Təbriz Badam Qurabiyəsi
Badam Qurabiyyəsi Güney Azərbaycanın ən qədim (Əski) şirniyyatlarindan (tatlılarınan ) birsidir.
Təbriz qurabiyyəsin ağzıma qoyanda badamların yazda açan nəcabətli çiçəkləri yadıma düşər. Təbriz qurabiyyəsinin bu nəcabətli çiçəklərdən böyük payi vardi, yanlız badamdan oluşdurardılar bu şirnini, indi Təbrizdə bunu nargildən(Kokos) də bişirməkdədilər, ancaq badam qurabiyyələrinin başqa yeri var, bir başqa dadi və anlami var.
Təbriz Badam Qurabiyəsi üçün lazım olanlar :
1. 500 qram qabıqsız Badam (İç qabığı soyulmuş Badam)
2. 1 kilo şəkər (mən 750 qram işlədirəm)
3. Lazım olduğu qədər yumurtanın ağı
4. yarım fincan üzüm sirkəsi ( 50 ml.)
5. 50 qram düyü unu
6. Lazımlı qədər püstə, badam və şəkər
Təbriz Qurabiyəsinin hazırlaması:
Badam şekərlə qatılır, sonra bir az yumurta ağıyla qarışdırılır ki, 10-15 dəqigə qalib canına çəksin.
Ət maşınında bu qarışım çəkilir (3 dəfəden çox çekilməməli, yoxsa badam yağ verər)
Mikserle indi bu qarışımı bir qabda orta sürətdə qarışdırın .Xəmir bərk olsa, bir az yumurta ağını artırın.
ən sonda düyü unu ve sirkəni badam xəmirinə qatın ve mikserle xəmiri qarisdirin ki, rengi ağarasın.
Xəmir qarışımını Indi bu iş üçün məxsus parçadan olan qıfa tökün.
Fırın qabının içinə , yağlı kağızı serin və xəmiri qıf vasitəsi ilə dairə şəklinə gətirin. Bir- birindən aralı olsun.
Bu Qurabiye dairələrinin üzərinə püstə, badam və şəkər sepin
Fırını , öncədən 120 - 150 °C dərəcəsi ilə qızdırılmalıdır
Qurabiyə olan qabı fırının orta yerinə (təbəqəsinə) yerləşdirin.
Qurabiylər firında olanda arada bir su çiləyinki üstü qurumasın deyə (Qurabilyələrin üstü qurusa şişməz yoxsa).
Qurabiyələr 20-30 dəqiqə firnda qalmalıdır ta ki, üzəri qızılı rəngə çevirilənə qədər.
Qurabiyəler soyuyandan sonra onu yağlı kağızdan ayırmaq lazımdır.
Not: Bu şirnilər, hava dəyəndə çox tez quruyurlar, o üzdən onları qapaqlı bir qabda saxlamaq lazımdır.
Önəmli bir məsələ: Bu şirninin cox kalorisi vardır. O üzdən bu şirnini çox yeməkdən çəkin