Ərəstun Mahmudov

[Emine]

Ərəstun Mahmudov



Azərbaycan Respublikası Prezidentinin 25 noyabr 1992-ci il tarixli 337 saylı fərmanı ilə Mahmudov Ərəstun İspəndi oğluna ölümündən sonra "Azərbaycanın Milli Qəhrəmanı" adı verilmişdir.

Mahmudov Ərəstun İspəndi oğlu 23 fevral 1957-ci ildə İsmayıllı rayonunun Pirəbilqasım kəndində dünyaya gəlmişdir. Bakının 220 saylı orta məktəbini bitirmişdir.

1975-ci ildə Leninqrad vilayətinin Viborq şəhərində yerləşən Mülki Aviasiya Məktəbinə daxil olmuşdur. 1978-ci ildə təhsilin başa vuraraq, Azərbaycan Hava Yollarının Zabrat Aviasiya şirkətində texnik-mexanik kimi AN-2 təyyarəsində əmək fəaliyyətinə başlamışdır.

1990-cı ildən Mİ-8 vertolyotunun bort mexaniki təyin edilir. Mütəmadi olaraq, ekipajın tərkibində döyüşlərdə iştirak edir. Dağlıq Qarabağda və Ermənistanla həmsərhəd olan rayonlarda döyüş əməliyyatlarında iştirak edib.

Son uçuşu isə 28 yanvar 1992-ci ildə oldu. Ağdam - Şuşa marşurutu üzrə əhalini təhlükəsiz yerlərə daşıyarkən, erməni raketi tərəfindən vurulmuş və Ərəstun Mahmudov qəhrəmancasına həlak olmuşdur.

Ailəli idi. Üç övladı yadigar qalıb.

Bakı şəhərinin Şəhidlər xiyabanında dəfn edilmişdir.

Təhsil aldığı 220 saylı orta məktəb qəhrəmanın adını daşıyır. Yaşadığı binanın önünə xatirə lövhəsi vurulmuşdur.