Bakıda səyyar kitab sərgiləri keçirilir (VİDEO)

[Azeribalasi]

Bakıda səyyar kitab sərgiləri keçirilir (VİDEO)
Məqsəd kitaba olan marağı artırmaqdır

Azərbaycan reallığı çoxlarını yazdıqları kitabın çörək ağacına çevrilmək imkanından məhrum edib. Gizli deyil ki, ölkəmizdə kitab oxumaq istəyini insanların maraqları sırasında sonuncu sırada belə tapmaq az qala səhrada su tapmaq qədər qəliz olub. Mədəniyyət və Turizm Nazirliyi bu qəlizliyi sadələşdirmək üçün müəyyən addımlar atmağa başlayıb. Bu ilin ikinci yarısından başlayaraq məktəblərdə hər ay 3 günlük də olsa, səyyar kitabxanaların təşkilinə start verilib.

Kitaba marağın azaldığı bir dövürdə Bakı şəhəri Mədəniyyət və Turizm idarəsi şəhərin bütün rayonlarında səyyar kitab sərgiləri keçirilməsinə start verib. Artıq bir neçə aydır ki, şəhərin müxtəlif tədris və mədəniyyət oçaqlarında səyyar kitab sərgiləri keçirilir. Bu məqsədlə də növbəti səyyar kitab sərgisini Yasamal rayonunun mərkəzləşdirilmiş kitabxanası rayonun 16 saylı musiqi məktəbində təşkil edib. Kitabxananın şöbə müdiri Təranə Cəfərovanın bildirdiyinə görə, sayca ikinci olan kitab sərgisinə maraq çox böyükdür. Sərgilənən kitabların arasında dünya və Azərbaycan yazarlarının kitabları var idi.

Təranə Cəfərovanın sözlərinə görə, gələcəkdə də belə sərgilər təşkil olunacaq.
Xatırladaq ki, Bakı şəhəri Mədəniyyət və Turizm idarəsinin təşəbbüsü ilə keçirilən səyyar kitab sərgiləri ayda bir dəfə olmaqla 3 gün müddətində keçirilir.