Bəhram Bağırzadə

[Emine]

Bəhram Bağırzadə


Bəhram Arif oğlu Bağırzadə 1972 - ci ildə sentyabrın 4-də Bakıda ziyalı ailəsində anadan olub. 189 nömrəli orta məktəbi bitirib. Məktəbi bitirdikdən sonra İncəsənət Universitetinə daxil olub və 1994- cü ildə oranın rejissorluq fakültəsini bitirir. 10-a yaxın bədii filmə çəkilib. Onlardan “Yuxu”, “Dustaq”, “Üç qız”, “Hər şey yaxşılığa doğru”, “Milli bomba” və çox seriyalı “Yoxlama ” filmlərini misal göstərmək olar.

Bağırzadənin tanınmasında müstəsna rolu "Şən və Hazırcavablar" kubunda “Bakılı Oğlanlar ” komandasında çıxışları olub. Onun iştirak etdiyi bu komanda 1992, 1993– cü illərdə çempion, 1995- ci ildə keçirilən yay kubokunun və iyirminci əsrin ən yaxşı komandaları sırasında birinci olub. Kinematoqraflar ittifaqının və Azərbaycan Karikaturaçı Rəssamlar Birliyi üzvüdür.

1992-ci ildən karikatura çəkir, karikaturaları «Kirpi» satirik jurnalında çap olunub. Respublikada keçirilən bir çox sərgilərin iştirakçısıdır. Bakıda fərdi sərgisi keçirilib.

Hal hazırda “Qalereya” adlı praktik kataloq buraxır. Bəhram Bağırzadə boş vaxtlarında karikatura çəkməyi və futbola baxmağı xoşlayır.

Evlidir, iki övladı var.