Anar Yusifoğlu

[Emine]

Anar Yusifoğlu 20 oktyabr 1974-cü ildə Yardımlı rayonun Şıxlar kəndində anadan olub. Azərbaycan Dövlət Pedoqoji Universitetini bitirib.
1995—1998-ci illərdə “ANS” Müstəqil Teleradio Yayımları Şirkətində repartyor, şöbə müdiri olub. 1998-1999-cu illərdə “525-ci qəzet”in parlament müxbiri kimi çalışıb. “Sara” TV-də Xəbərlər departamentinin direktor müavini, direktoru və “Kontakt” tok-şousunun aparıcı olub. Daha sonra “”Qanun” jurnalında çalışıb.
İctimai Televiziya yaranandan Analitik proqramlar departamentinin direktoru olaraq çalışmaqdadır. Televiziyanın ilk verilişlərindən olan “Gerçəyin özü” və “Yekun“ verilişinin aparıcısı olub.
Çeşidli verilişlərin müəllifi olub – “Bizim tarix”, “Zamanın sınaq yolu”, “Tarixi yaradanlar”, “Əsrin facəsi: Xocalı”, ”Qan yaddaşı: Ağdam”, ”Soy qırım”, “Fenomen”. Hazırda “Çarpaz baxış” tok-şousunun müəllifidir.
Peşəkar jurnalist fəaliyyətinə görə Çingiz Mustafayev Fondu və Qarabağ Azadlıq Təşkilatı tərəfindən mükafatlandırılıb.
1999 və 2007-ci illərdə Amerika Birləşmiş Ştatlarında yaradıcılıq kurslarında iştirak edib.
2007-ci ildə CNN TÜRK-də bir aylıq staj keçib.
Xobbisi şəkil çəkmək və səyahət etməkdir. Dövrü mətbuatda daim çap olunur, onlarla analitik və publisistik yazıların müəllifidir.