Beslanda yeni məscid inşa edilib
01-10-2010
Rusiyanın Beslan şəhərində müsəlmanlar yeni inşa edilən məscidin açılış mərasiminə hazırlaşırlar.
Məscidin açılışı bir ay əvvəl planlaşdırılsa da, Beslan hadisələrinin il dönümü və "Vladiqafqaz" bazarında baş verən hücumlarla bağlı təxirə salınmışdır. Beslan məktəblərinin birində baş verən qanlı hadisə ilə bağlı valideyinlərin xahişini nəzərə alan şəhər bələdiyyəsi açılış mərasiminin vaxtını gecikdirmişdir. Habelə bölgənin Müsəlman Dini İdarəsi doqquz sentyabrda "Vladiqafqaz" bazarında baş verən hadisə ilə bağlı matəm élan etmişdir.
Şimali Osetiya müsəlmanları Dini İdarəsinin sədri Hacımurad Qaçalov məscidin inşasının başa çatdığını deyib.
/dunyabulteni/