Fərrux Zeynalov

[Emine]

Fərrux Zeynalov



Fərrux Zeynalov 1942-ci il mayın 4-də Bakı şəhərində anadan olmuşdur.

Azərbaycan Politexnik İnstitutunun texnologiya fakültəsini bitirmişdir. İqtisad elmləri namizədidir.

Əməkdar kommunal və əhaliyə məişət xidməti işçisidir. 1 kitabın müəllifidir.

1959-cu ildən fərdi tikiş fabrikində fəhlə, dərzi köməkçisi, dərzi, biçici, istehsalat rəisi,

1975–1983-cü illərdə fabrikin direktoru işləmişdir.

1983–1987-ci illərdə Bakı Şəhər Əhaliyə Məişət Xidməti İdarəsinin rəisi,

1987–1992-ci illərdə Bakı Trikotaj İstehsalat Birliyinin, «Azəryüngülyeyintisənaye» Birliyinin, "Azərtoxucutəchizatsatış» firmasının baş direktoru olmuşdur.

1992–1997-ci illərdə Azərbaycan Respublikasının material ehtiyatları naziri,

1999–2005-ci illərdə «Güvən» şirkətinin baş direktoru vəzifələrində çalışmışdır.Bitərəfdir.

On ikinci çağırış Azərbaycan Respublikası Ali Sovetinin deputatı olmuşdur.


Milli Məclisin Təbii ehtiyatlar, energetika və ekologiya komitəsinin üzvüdür.

Azərbaycan-Ukrayna parlamentlərarası əlaqələr üzrə işçi qrupunun rəhbəri, Azərbaycan-Belçika, Azərbaycan-İraq, Azərbaycan-Türkiyə parlamentlərarası əlaqələr üzrə işçi qruplarının üzvüdür.

MDB-nin Parlamentlərarası Assambleyasında Azərbaycan nümayəndə heyətinin üzvü və Büdcəyə nəzarət komissiyası sədrinin müavinidir.

Evlidir, 3 övladı var.