Ələddin Cəfərov
Ələddin Adil oğlu Cəfərov 15 iyun 1956-cı ildə Şəmkir rayonunda anadan olub.
1973-cü ildə Şəmkir rayon Könüllü kənd orta məktəbini bitirib. Hərbi xidmətdən sonra əmək fəaliyyətinə Gəncə şəhəri, Çini qablar zavodunda qəlibləyici vəzifəsi ilə başlayıb.
Sonralar 1978-cı ildə Rusiya Federasiyasının Tümen vildayətində «Tümenneftqaztikinti» trestində rəngsaz,
1978-1984-cü illərdə Tümen vilayətinin daxili işlər orqanlarında müxtəlif vəzifələrdə işləyib.
1985-1993-cü illərdə Bakı şəhəri, Səbail Rayon Məhkəməsində cinayət işləri üzrə katib və məhkəmə iclas katibi işləyib.
1992-ci ildə Bakı Dövlət Universitetinin hüquq fakultəsini bitirib.
1993-2000-ci ilərdə Səbail Rayon Məhkəməsinin hakimi,
2000-2007-ci illər Bakı şəhəri, Nəsimi Rayon Məhkəməsinin sədri,
2007-ci ildən hal-hazıradək Bakı şəhəri Yasamal Rayon Məhkəməsinin sədridir.
2002-ci ildən Azərbaycan Ümumi Məhkəmə hakimlərinin Assosiasiyasının sədri,
2005-ci ildən Məhkəmə-Hüquq Şurasının üzvüdür.
Hakimlərin intizamına dair məsələlər üzrə Azərbaycan-Avropa Şurası işçi qrupunun üzvüdür.
Ailəlidir.