Ədil bəy Mehmandarov

[Emine]

Ədil bəy Mehmandarov



Ədil bəy Kərim bəy oğlu Mehmandarov 1885-ci ildə Şuşa şəhərində anadan olmuşdu.

Şəhər real məktəbini bitirəndən sonra Bakı şəhərində feldşerlik kursunda oxumuşdu.

Bir müddət Şuşa şəhər xəstəxanasında çalışmışdı.

Sonra Kiyev Politexnik İnstitutuna girmişdi.Burda oxuyarkən Qafqaz Həmyerlilər Cəmiyyətinin üzvü olmuşdu.

Xəstəliyi ilə bağlı təhsilini yarımçıq buraxıb vətənə dönmüşdü.

İctimai-siyası fəaliyyətlə məşğul olmuşdu.

Şəhər bələdiyyəsində işləmiş Şuşanın abadlığına çalışmışdı. Sonra Bakı şəhərində ticarət bankında müvəkkil işləmişdi.

Voladarski adına tikiş fabrikində təchizat şöbəsinə başçılıq etmişdi. Ordan da Azərbaycan Ticarət nazirliyinin Topdansatış mərkəzi bazasına direktor müavini göndərilmişdi.


Azərbaycanda sovetləşmədən sonra qeyri-leqal fəaliyyət göstərən Müsavat partiyasının aparıcı üzvilərindən idi.

1927-ci ildə bu fəaliyyətinə görə həbs edilmişdi. Bir müddət həbsdə yatandan sonra buraxılmışdı. Həbsdən sonra müəllimliyə başlamışdı. Şuşa Pedoqoji texnikumunda dərs demişdi.

Ədil bəy Mehmandarov 1930-cu ildə yenidən həbs olunub 5 il cəza almışdı.

Həbsdən azad olunandan sonra iş yerinə qayıtmışdı. 1937-ci ildə tutulub Bakıya aparılmış və güllələnmişdi.

Ədil bəy Zivər xanım Əli bəy qızı Behbudova ilə həyat qurmuşdu. Mustafa bəy, Murad bəy, Sabir bəy adlı oğulları var.

Mənbə: Ənvər Çingizoğlu, Mehmandarovlar, ATŞC-nin xəbərləri, Bakı, 2002.