Ağlama qərənfil, ağlama daha...

[Revane]

Ağlama qərənfil, ağlama daha...

Ey, Vətən rənginə boyanan çiçək,
Gör, nələr gətirdi başına fələk.
Ey, bütün güllərdən qiymətli, baha.
Səni and verirəm Şəhid ruhuna
Ağlama qərənfil, ağlama daha.

Fəryadın yetişdi günəşə, aya,
Dərdlərin gəlmədi hesaba, saya.
Axan gözyaşların döndü dəryaya.
Son qoy bu naləyə, son qoy bu aha,
Ağlama qərənfil, ağlama daha.

Ağlama, onsuz da ürəyim qandır,
Dünya gözlərimdə qara dumandır
İntiqam hissiylə, çevir, amandır
Düşmənin qəlbini bir nişangaha,
Ağlama qərənfil, ağlama daha.

Ağlama goy sənin haqlı qəzəbin,
Son nidası olsun geyzin, əsəbin.
Sənin ki, böyükdür kökün, əslin,
Bağla ümidini böyük Allaha
Ağlama qərənfil, ağlama daha.

Ağlama qərənfil, düşməni ağlad
Ölməz şəhidlərin ruhunu yaşat.
Bir gün güldürəcək bizi də həyat
Xalqımız çıxacaq nurlu səhərə,
Ağlama qərənfil, ağlama daha.








ALLAH ŞƏHİDLƏRİMİZƏ RƏHMƏT ELƏSİN!!! AMİN!!!