Hərb işi - Elnur Nuriyev

[Emine]

Elnur Nuriyev


Azərbaycan Respublikası prezidentinin 5 oktyabr 1994-cü il tarixli 215 saylı fərmanı ilə Nuriyev Elnur Eyvaz oğluna ölümündən sonra "Azərbaycanın Milli Qəhrəmanı" adı verilmişdir.

Nuriyev Elnur Eyvaz oğlu 22 avqust 1975-ci ildə Zəngilan rayonunun Cahangirbəyli kəndində dünyaya gəlmişdir.

1992-ci ildə orta məktəbi bitirmiş, 1993-cü ildə Zəngilan rayon Hərbi Komissarlığı tərəfindən Milli Ordu sıralarına çağırılmışdır.

Qısa müddətdə sınaq məşq toplantısı keçdikdən sonra döyüşlərdə iştirak etmək üçün, Füzuli döyüş bölgəsinə göndərilmişdir. Xidmət etdiyi hərbi hissədən Tərtər bölgəsinə yollanır.

Əks hücuma keçərək, Qapanlı, Seysulan kəndlərini düşməndən azad edərək, döyüş əzmkarlığını nümayiş etdirmişdir. 1994-cü ildə Gəncə şəhərinə göndərilir.

1994-cü il 4-5 oktyabr hadisələrində Gəncə qiyamının yatırılmasında döyüş tapşırığını yerinə yetirərkən qəhrəmancasına həlak olmuşdur.

Subay idi.

Kürdəmir şəhərinin Şəhidlər xiyabanında dəfn edilmişdir.