Azerbaycan Məşhur soylar

[AyMaRaLCaN]

Məşhur soylar


Zəkəriyyə bəy Vəkilov


Vəkilov Zəkəriyyə bəy Məhəmməd ağa oğlu (1.5.1898, Qazax, Salahlı-30.11.1959, Bakı) - Qori seminariya məzunu (1916), AC Ordusunda bölük komandiri (1918-20), qatı müsavatçı;

19.10.1926-da həbs edilərək 16.3.1927-də Moskvaya BDSİ-nin sərəncamına göndərilib, ona orada 10 il iş kəsilib, cəzasının ilk illərini Ağ dənizdəki Solovki həbs düşərgəsində keçirib, aclıq aksiyasının təşkilatçılarından olub, sonra Ağ dəniz-Baltik kanalının çəkilişində işlədilib, Kalinin vasitəsiylə buraxılıb; Zaqatalada, Bülbülədə işləyib;

Sovet xəfiyyə orqanlarının əliylə Güney Azərbaycana (Ənzəliyə) «qaçır», orada xəstələnir; qayıtdıqdan sonra BDU-nun fililogiya fakültəsində oxuyur (1948-də bitirib); ömrünün sonunadək müxtəlif yerlərdə rus dilindən dərs deyib, siyasətdən tam uzaqlaşıb
Kategoriya : ŞəxsiyyətlərMəşhur soylar

[AyMaRaLCaN]

Vəkil ağa Vəkilov


Vəkilov Vəkil ağa Süleyman ağa oğlu (1880, Salahlı/Qazax-15.8.1916, Salahlı) - Tiflis qəza rəisi, podpolkovnik İ.V.Candriyevin tərcüməçisi; Stalinin gənclik dostu olub
Kategoriya : ŞəxsiyyətlərMəşhur soylar

[AyMaRaLCaN]

Teymur xan Xoyski


Xoyski Teymur xan Cahangir xan oğlu - artilleriya podpolkovniki 1891-ci il noyabrın 27-də Gəncə şəhərində zadəgan ailəsində anadan olmuşdur.

Gəncə klassik kişi gimnaziyasını və 1914-cü ildə Tiflis hərbi kadet məktəbini bitirib.

Azərbaycan Demokratik Respublikası milli ordusunda isə ikinci Bakı süvari alayında komandir müavini olub.

Respublika Mərkəzi Dövlət Arxivində polkovnik Şirin bəy Kəsəmənlinin 1919-cu il 7 may tarixli raportu saxlanılır. Birinci süvari diviziyasının rəisinə, surəti isə Baş Qərargah rəisinə ünvanlanan raportunda polkovnik Şirin bəy Kəsəmənli yazır:

"Mənə etibar olunmuş alayın kapitanı Teymur xan Xoyski haqqında qısa məlumat və ober-zabitin təltifat vərəqini sizə təqdim edirəm. Məlum edirəm ki, onu hələ praporşiklər məktəbində xidmət etdiyi vaxtdan intizamlı zabit kimi tanıyıram.

O, mənim tabeliyimdə xidmət edərkən özünü məktəb heyətinin görkəmli rəhbəri kimi tanıtmış, mənim təqdimatımla köməkçim təyin olunmuşdur. Günbəgün öz əməyini və enerjisini heç bir şəxsi mənafe güdmədən hərbi xidmətə sərf edir. Zabit Teymur xan yaxşı başa düşür ki, Vətənin və millətin naminə xidmət edir. Alaya xidmətə gəldiyi ilk gündən o, sanki on iki hissəyə bölünmüşdür.

Onun işinə nəzər yetirdikdə alay komandirinin müavini əvəzinə on iki rota komandirinin vəzifəsini də yerinə yetirdiyininin şahidi olursan.Yuxarıda qeyd etdiklərimi nəzərə alaraq çox xahiş edirəm, Sizin təqdimatınızla kapitan Teymur xan Xoyskiyə podpolkovnik rütbəsi verilsin.

Üstəlik də hazırda tutduğu vəzifə ona podpolkovnik rütbəsini almağa imkan verir".

Birinci Dünya Müharibəsində iştirak edən kapitan Teymur xan Cahangir xan oğlu Xoyski cəbhələrdə nüfuzlu nəslinin adına layiq döyüş yolu keçmişdir.

Bütün bunları əyani göstərən onun hansı möcüzədənsə salamat qalıb.

Teymur xan Xoyski 1920-ci ilin iyul ayında həbs edilib. Ailəsi ilə birlikdə sürgünə göndərilib.

Mükafatları

Arxivdə "təmamilə məxfi" qrifilə saxlanan təltifat vərəqidir.

Teymur xan 1915-ci ildən 1917-ci ilə kimi iştirak etdiyi döyüşlərdə dördüncü dərəcəli "Müqəddəs Anna" (üzərində "İgidliyə görə" yazısı ilə), üçüncü dərəcəli "Müqəddəs Stanislav" (qılınc və bantla birgə), üçüncü dərəcəli "Müqəddəs Anna" (qılınc və bantla birgə), ikinci dərəcəli "Müqəddəs Stanislav" (qılıncla birgə), ikinci dərəcəli "Müqəddəs Anna" (qılıncla birgə), knyaz Vladimirin şərəfinə təsis edilmiş dördüncü dərəcəli orden (qılınc və bantla birgə) və 1917-ci ilin fevral ayında Georgi silahı ilə təltif olunmuşdur.
Kategoriya : ŞəxsiyyətlərMəşhur soylar

[AyMaRaLCaN]

Teymur Şahverdiyev


Şahverdiyev Teymur Şirəli oğlu (1898, Lənkəran-?) - 1927-də fəal müsavatçı kimi həbs olunub.

Mənbə: Yazı Ədalət Tahirzadənin arxivindən götürülüb. Şəxs haqda ətraflı məlumat tapmaq hələlik mümkün olmayıb

Kategoriya : ŞəxsiyyətlərMəşhur soylar

[AyMaRaLCaN]

Süleyman Sani Axundov


Süleyman Sani Axundov 3 oktyabr 1875-ci ildə Şuşada anadan olmuşdur.

Ədəbiyyatda həmsoyadı Mirzə Fətəli Axundovdan fərqlənmək üçün ərəbcə "ikinci" mənasını daşıyan "Sani" sözünü özünə ləqəb götürmüşdür.

Axundov Şuşada bəy ailəsində dünyaya gəlib və 1894-cü ildə Qori Müəllimlər Seminariyasını bitirib. Ömrünün axırınadək tədris və jurnalistika ilə məşğul olub.

O, 1906-cı ildə işıq üzü görən və "İkinci il" adlanan Azərbaycan dili dərsliyinin müəllifidir. Sovet İttifaqının yaranmasından sonra qısa müddət ərzində Dağlıq Qarabağ Muxtar Vilayətinin təhsil naziri vəzifəzində çalışıb. İlk bədii əsərini - "Tamahkar"ı 1899-cu ildə qələmə alıb.

1912-1913-cü illərdə Süleyman Sani Axundov beş hissədən ibarət "Qorxulu nağıllar" kitabını yazıb. Kasıbçılıqdan və haqsızlıqlardan bəhs etdiyinə görə bu nağıllar Sovet zamanı uşaq ədəbiyyatı aləmində böyük şöhrət qazanıb. 1920-ci ildən sonra yazılan əsərlərdə, Axundov qəddarlığı, köhnə mühafizəkar ənənələri və geriliyi tənqid atəşinə tutmağa davam edib.

1939-cu ildə Bakıda vəfat edib.

Mənbə: Ənvər Çingizoğlu, Axundovlar, “Soy” dərgisi,
Kategoriya : ŞəxsiyyətlərMəşhur soylarƏdəbiyyat,

[AyMaRaLCaN]

Sultan bəy Sultanov


Sultanov Sultan bəy Paşa bəy oğlu (qardaşı Xosrov bəylə birgə 1918-20-ci illərdə Qarabağın daşnaklardan təmizlənməsində misilsiz xidmətləri olan milli qəhrəman)

Mənbə: Yazı Ədalət Tahirzadənin arxivindən götürülüb. Şəxs haqda ətraflı məlumat tapmaq hələlik mümkün olmayıb.
Kategoriya : ŞəxsiyyətlərMəşhur soylar

[AyMaRaLCaN]

Süleyman ağa Vəkilov
Vəkilov Süleyman ağa Vəkil ağa oğlu (1858-1923) - Qazax mahalının varlı mülkədarlarından, 1890-ıncı illərdə Yuxarı Salahlının hökumət yüzbaşısı

Kategoriya : ŞəxsiyyətlərMəşhur soylar

[AyMaRaLCaN]

Qacar Xanbaba xan
Qacar Xanbaba xan Bəhmən Mirzə oğlu (?-11.1926, Tiflis) (süvari polkovniki; M.F.Axundzadənin böyük qızı Seyrabəyimin (1866), o, 1872-də vəfat edəndən sonrasa ikinci qızı Nisə xanımın (1873) əri

Kategoriya : Məşhur soylar

[AyMaRaLCaN]

Xanlar ağa Sarıcalı


İbrahimxəlil xanın bеşinci oğlu Xanlar ağa 1775-ci ildə Şuşa şəhərində anadan olmuşdu.

(Anası Bikə ağa Məhəmməd Nutsal xan Avarın qızı idi).

Saray təhsili almışdı. Qarabağ xanlığının siyasi yaşamında sərkərdə kimi önəmli rol oynamışdı. Kürəkçay traktatının nəticələrinə görə polkovnik rütbəsi almışdı.

Xanlar ağa atasının hakimiyyəti dönəmində qoşun başçısı, sərkərdə idi. Əsasən Qaraçorlu mahalını, Hacısamlı nahiyəsini idarə еdirdi.

Bir çox döyüşlərdə iştirak еtmişdi.

Saray intiriqaları nəticəsində onu böyük qardaşı Məhəmmədhəsən ağaya qarşı istifadə еtmək istədilər.

O, bu işə qol qoymadı. Xanlar ağa böyük mülkədar idi. Lənbəran, Daşbulaq, Kövük, Bazarkənd, Damğalı adlı kəndləri, Hacısamlı, Nəzirli, Cinli və Binələr (Malbinəsi, Qoyunbinəsi) adlı obaları vardı.

Xanlar ağa 1831-ci ildə vəfat еdib. Xanlar ağanın övladı olmayıb.

Mənbə: Ənvər Çingizoğlu, Cavanşir eli: Sarıcalı oymağı, Bakı, "Şuşa", 2010




Kategoriya : ŞəxsiyyətlərMəşhur soylar

[AyMaRaLCaN]

Yaqub Vəzirov


Vəzirov Yaqub bəy İsmayıl bəy oğlu (?-1935, Tiflis) - Səmil bəy Vəzirovun qardaşı. Almaniyada iqtisad in-tunu bitirib (1918-ədək); iqtisad elm. nam.;

1920-də İstanbuldan mühacirətdən qayıdıb. Özünü öldürüb.
Kategoriya : ŞəxsiyyətlərMəşhur soylar