Qəzənfər Paşayev http://adam.az/images/com_sobi2/clients/827_img.jpg Paşayev Qəzənfər Məhəmməd oğlu 27 avqust 1937-ci ildə Tovuz rayonunun Düzqıraqlı kəndində anadan olmuşdur.Azərbaycan ədəbiyyatşünası, folklorşünas, publisist, dilçi, yazıçı və tərcüməçi.Filologiya elmləri doktoru (1993). Prof. (1995). Azərbaycan Pedaqoji Dillər İnstitutunun ingilis-Azərbaycan dilləri fakültəsini bitirmişdir (1962). İraqda tərcüməçi işləmiş (1962-1966; 1972-1975), burada yaşayan və sayı təqribən 2,5

Bu konu 2071 kez görüntülendi 0 yorum aldı ...
Qəzənfər Paşayev 2071 Reviews

    Konuyu değerlendir: Qəzənfər Paşayev

    5 üzerinden | Toplam: 0 kişi oyladı ve 2071 kez incelendi.

  1. #1
    AyMaRaLCaN - ait Kullanıcı Resmi (Avatar)
    Üyelik Tarihi
    24.08.2008
    Mesajlar
    11.371
    Konular
    5172
    Beğendikleri
    0
    Beğenileri
    2
    Tecrübe Puanı
    100
    @AyMaRaLCaN

    Standart Qəzənfər Paşayev

    Qəzənfər Paşayev



    Paşayev Qəzənfər Məhəmməd oğlu 27 avqust 1937-ci ildə Tovuz rayonunun Düzqıraqlı kəndində anadan olmuşdur.Azərbaycan ədəbiyyatşünası, folklorşünas, publisist, dilçi, yazıçı və tərcüməçi.Filologiya elmləri doktoru (1993). Prof. (1995). Azərbaycan Pedaqoji Dillər İnstitutunun ingilis-Azərbaycan dilləri fakültəsini bitirmişdir (1962).

    İraqda tərcüməçi işləmiş (1962-1966; 1972-1975), burada yaşayan və sayı təqribən 2,5 mln-a çatan azərbaycanlıların (İraq türkmanları) dialekt və folklorunun toplanması və araşdırılması ilə məşğul olmuşdur. “Azərbaycan dilinin Kərkük dialekti” mövzusunda namizədlik (1969), “İraq Türkmən folkloru” mövzusunda doktorluq (1993) dissertasiyaları müdafiə etmişdir. 1964-1989-cu illərdə Azərbaycan Pedaqoji Dillər İnstitutunda (1973-cü ildən M.F.Axundov adına APİ) fəaliyyət göstərmiş, institututun ingilis dili fakültəsində dosent, dekan müavini (1970-1971), xarici dillər kafedrasının müdiri (1972-1989) olmuşdur. ABŞ (1983) və İngiltərədə (1988) ixtisasartırma kurslarını bitirmişdir. 1989-1999-cu illərdə BDU-nun Qərbi Avropa dilləri kafedrasında çalışmışdır.

    Azərbaycan Milli Elmlər Akademiyası Nizami adına Azərbaycan Ədəbiyyatı Muzeyində şöbə müdiri (2001-2005),eyni zamanda 2003-ci ildən Nizami adına Ədəbiyyat İnstitutunda baş elmi işçidir.Paşayevin ədəbi-elmi fəaliyyətində İraqda yaşayan azərbaycanlıların - İraq türkmanlarının ədəbi-mənəvi yaradıcılığının tədqiqi və təbliği xüsusi yer tutur. Onun “Kərkük bayatıları” (1968; Rəsul Rza ilə birgə), “Arzu-Qəmbər dastanı” (1971), “Kərkük mahnıları” (1973), “İraq-Kərkük atalar sözləri” (1978), “Kərkük tapmacaları” (1984), “İraq-Kərkük bayatıları” (1984), “Nəsiminin İraq divanı” (1987), “Kərkük folkloru antologiyası” (1987), təkrar nəşr (1990), “Azərbaycan fokloru antologiyası”. İraq-türkman cildi, Ə.Bəndəroğlu ilə birgə (1999) və s. kitabları elm aləminə az məlum olan zəngin bir elm xəzinəsindən bəhs edir.Paşayevin elmi fəaliyyətinin zirvəsi onun “İraq-türkman folkloru” adlı monumental əsəridir. Ə.Bəndəroğlunun “Şah əsər”, prof. M.Naqibin “Abidə bir əsər” başlıqlı məqalələr həsr etdikləri, müəllifin 20 illik axtarışlarının məhsulu olan bu monoqrafiya Bakıda, Bağdadda və İstanbulda nəşr edilmiş, Azərbaycanda və xaricdə tədqiqatçıların diqqət mərkəzində olmuşdur.

    Paşayevin “Altı il Dəclə-fərat sahəllərində” adlı samballı elmi-publisistik əsəri isə çox böyük tirajla 130 min Bakıda və Bağdadda nəşr olunmuş (ərəb dilində; 1996, tərc. Ə.Bəndəroğlu) və böyük ədəbi hadisəyə çevrilmişdir.Paşayev Azərbaycan, İraq, Türkiyə mətbuatında çıxmış çoxlu elmi-publisistik məqalənin, “Rusca-ərəbcə danışıq kitabı”nın (Bağdad, 1974) və s. əsərlərin müəllifi, “Göylər unutmuşdu yağacağımı” (1991), “Çağdaş İraq” şeirindən seçmələr (2001), “Yolun sonunadək” (2001) və s. kitabların tərtibçisidir.Prof. Paşayev fil.e.n. Gülzar İbrahim qızı ilə birgə Hüseyn Arif - 80 (2004), İsi Məlikzadə - 70 (2004), Tofiq Bayram - 70 (2005), Əlibala Hacızadə - 70 (2005), Fikrət Qoca - 70 (2005), Bəkir Nəbiyev - 70 (2005) kimi çox maraqlı portret kitabları da tərtib edərək öz vəsaiti hesabına çap etdirmişdir.İngiltərənin tarixi, coğrafiyası və mədəniyyətindən bəhs edən “İngiltərə haqqında” (1981, ingilis dilində) adlı kitab, eləcə də ingilis filologiyasına dair onlarca elmi məqalə yazmışdır.ABŞ, İngiltərə, İraq, Türkiyə, Rusiya, Özbəkistan, Qazaxıstan, Gürcüstan və s. ölkələrdə keçirilən elmi simpoziumlarda məruzələr etmiş, elmi məqalələri çap olunmuşdur.

    Füzulinin 500 illik yubileyi ilə bağlı İraqda və Türkiyədə keçirilən tədbirlərdə “Füzuli və XVI əsr Bağdad ədəbi mühiti” mövzusunda məruzə etmiş, şairin həyat və yaradıcılığından bəhs edən məqaləsi ABŞ-da çıxan “Reforma” (№ 2, 1996, s.17-25) jurnalında və Bağdadda ərəbcə elmi məcmuədə (1995) çap olunmuşdur.Paşayev həmçinin ABŞ-da nəşr olunan “Azerbaijan international” jurnalında (1.1.2003, 5.22-25) İraq türkmanlarının tarixi, folkloru və ləhcəsindən bəhs edən “Azərbaycanlılar İraqda az tanınan elat” adlı məqalə ilə çıxış etmişdir.İraqda yaşayan və azərbaycanca danışan bu elatın İstanbulda çıxan “Qardaşlıq” dərgisində isə ingiliscə “İraq-Türkman tarixinə və ədəbiyyatına bir baxış” adlı böyük marağa səbəb olan iki məqaləsi çap olunub (Bax: “Qardaşlıq”, № 22 və № 23, 2004).Bir neçə dil bilən Paşayev bədii tərcümə sahəsində də fəaliyyət göstərir. A.Dümanın “Qafqaz səfəri” (1985, H.Abbasovla birgə), S.Benetin “Necə yaşayasan, yüzü haqlayasan” (1989), A.Kristinin “Mavi qatarın sirri” (1995) eləcə də prof. İ.Pərsinacın “M.F.Axundovun kritikası” (ABŞ, 1989), əsərlərini orijinaldan tərcümə etmişdir.

    Aleksandr Dümanın Qafqaz səfəri ilə bağlı “Literaturnıy Azerbaydjan” jurnalında (№ 3, 2004, 8-23 səh.) “Düma Qafqazda” adlı rusca ssenarisi çıxmışdır.Q.Paşayev “Ədəbiyyat” qəzetinin (1995-ci ildən), “Vəfa” (2004-cü ildən), “Folklor və etnoqrafiya” (2004-cü ildən), “Xəmsə” (2002-ci ildən), “Qopuz” (2005-ci ildən) jurnallarının, Nizami adına Ədəbiyyat İnstitutunun «Ədəbi-nəzəri məcmuə» sinin redaksiya heyətinin üzvüdür.1994-cü ildən Nizami adına Ədəbiyyat İnstitutu nəzdində müdafiə Şurasının üzvüdür. 1997-2005-ci illər arası həmin şuranın həmsədri olub.Pedaqoji və elmi kadrların hzırlanmasında xidmətləri vardır. Pəhbərliyi ilə namizədlik dissertasiyaları müdafiə edilib. Onlarla doktorluq və namizədlik dissertasiyaları üzrə opponent olub. Bir çox dərslik və monoqrafiyaların redaktoru və ya rəyçisi olmuşdur.Raşayev uzun müddət Azərbaycan - İraq Dostluq Cəmiyyətinin sədr müavini (1990-2003) olmuşdur. Qafqaz Müsəlmanları İdarəsinin nəzdində fəaliyyət göstərən Elmi-Dini şuranın yarandığı 1997-ci ildən üzvüdür. 2004-cü ildən Yazıçılar Birliyinin Təftiş komissiyasının sədridir.Azərbaycanda: akademiklər: Bəxtiyar Vahabzadə, Bəkir Nəbiyev, Teymur Bünyadov, akademiyanın müxbir üzvləri: Yaşar Qarayev, Vasim Məmmədəliyev, Tofiq Hacıyev, Azad Nəbiyev, Nizami Cəfərov, Filologiya elmləri doktorları, professorlar: M.Təhmasib, Qasım Qasımzadə, Vaqif Vəliyev, Musa Adilov, Murtuz Sadıxov, Əzizə Cəfərzadə, Zeydulla Ağayev, Sədnik Paşayev, Gülrux Əlibəyli, Qəzənfər Kazımov, tibb e.d. Mehdi Sultanov və başqaları, o cümlədən də xarici ölkə alimləri Ə.Tərzibaşı, Ə.Bəndəroğlu, f.e.n. Sinan Səid, M.Xurşid, prof. Mahir Naqib, prof. Sübhi Saatçı, M.T.Qayaçı, E.Hürmüzlü (İraq), prof. Mustafa Arqunşah, prof. Cəlal Ərtuq, prof. İsa Özgan, Kamal Çapraz, İsa Qayacan, dosent dr. T.Abbasxanlı və b. (Türkiyə) Paşayevin tədqiqatlarını yüksək qiymətləndirmiş, onun yaradıcılığına sanballı məqalələr həsr etmişlər.

    Paşayev 1995-ci ildə öz vəsaiti hesabına Nizami adına Ədəbiyyat İnstitutunun Folklor Elm Mərkəzində İraq Türkman Ocağı muzeyi yaratmış, İraqda yaşayan azərbaycanlıların ədəbiyyatı və mədəniyyəti ilə bağlı olan son otuz ildə topladığı şəxsi əşyaların (o cümlədən incəsənət əsərləri), əlyazmaların, elmi mənbələrin, kitabların hamısını burada cəm etmişdir.

    2001-ci ildə ocağın kolleksiyası Nizami adına Azərbaycan Ədəbiyyatı muzeyinə köçürülmüş və ayrıca bir zalda “İraq-türkman ədəbiyyatı və mədəniyyəti” daimi ekspozisiyası açılmışdır.İraq Respublikasının “Əməkdə şücaətə görə” medalı ilə təltif edilmiş (1876), Kərkük vəqfinin (1999) və türkman cəbhəsinin (2003) diplom və yüksək mükafatlarına layiq görülmüşdür.Paşayevin həyat və fəaliyyətindən bəhs edən “Bu sevda ölüncədi” (2001), “İraq bizə iraq deyil” (2002) və s. kitablar nəşr edilmiş, şair H.Kürdoğlunun “Tovuzum mənim, Oğuzum mənim” poeması (1998) Paşayevə həsr olunmuşdur.



    Çap olunmuş kitabları

    1. “Kərkük bayatıları”, Bakı, “Azərnəşr”, 1968 (Rəsul Rza ilə birgə), 184 s. 2. “Arzu-Qəmbər dastanı”. Bakı, “Gənclik”, 1971, 32 s. 3. Kərkük mahnıları. Bakı, “Gənclik”, 1973, 48 s. 4. İraq-Kərkük atalar sözləri. Bakı, “Azərnəşr”, 1978, 76 s. 5. “İngiltərə haqqında” (ingiliscə). Bakı, APİ nəşriyyatı, 1982, 128 s. 6. İraq-Kərkük bayatıları. Bakı, “Yazıçı”, 1984, 352 s. 7. Kərkük tapmacaları. Bakı, “Gənclik”, 1984, 38 s. 8. Altı il Dəclə-Fərat sahillərində. Bakı, “Yazıçı”, 1985, təkrar nəşr, 1987, 230 s., Altı il Dəcdə-Fərat sahillərində, Bağdad, 1996 (ərəbcə), 128 s. 9. Nəsiminin İraq Divanı. Bakı, “Yazıçı”, 1987, 337 s. 10. Kərkük folkloru antologiyası. Bakı, “Azərnəşr”, 1987, təkrar nəşr, 1990, 368 s. 11. İraq-Türkman folkloru. Bakı, “Yazıçı”, 1992, 216 s. İraq-Türkman folkloru, Bağdada, 1995, 160 s. İraq-Türkman folkloru, İstanbul, 1998, 320 s. 12. Rusca-ərəbcə danışıq kitabı. Bağdad, 1994, 98 s. 13. Azərbaycan folkloru antologi yası. İraq-Türkman cildi (Ə.Bəndəroğlu ilə birgə), Bakı, 1999, 468 s. 14. Çağdaş İraq şerindən seçmələr. Bakı, “Elm”, 2001 (Ə.Bəndəroğlu ilə birgə) 108 s. 15. Kərkük dialektinin fonetikası. Bakı, “Elm”, 2003, 212 s. 16. İraq-Türkman folklorunun janrlar sistemi (rusca), Bakınəşr, 2003, 128 s. 17. Kərkük folklorunun janrları. Bakı, “Elm”, 2003, 318 s. 18. İraq-Türkman ləhcəsi (ortaqlı), “Elm”, 2004, 422 s. 19. “Nostrdamusun möcüzəli aləmi” kitabı (700 səh.) çapdadır.




    Kategoriya : Elm


    Konu Bilgileri       Kaynak: www.azeribalasi.com

          Konu: Qəzənfər Paşayev

          Kategori: Azerbaycan Edebiyatı

          Konuyu Baslatan: AyMaRaLCaN

          Cevaplar: 0

          Görüntüleme: 2071

    Sinemde yanar dağlar bahçeler bağlar yetim
    Sensizken canım ağlar bensizken memleketim
    Özüme bir kez dokun gör nasıl birisiyim
    Aşka aşıkken bile memleket delisiyim

Etiketler

Yetkileriniz

  • Konu Acma Yetkiniz Yok
  • Cevap Yazma Yetkiniz Yok
  • Eklenti Yükleme Yetkiniz Yok
  • Mesajinizi Degistirme Yetkiniz Yok
  •  

Giriş

Giriş