Qan Turalı
Cəfərov Tural Oktay oğlu (Qan Turalı)1984-cü ilin 17 iyulunda Əli Bayramlı şəhərində anadan olub. 2001-ci ildə Əli Bayramlı Türk İqtisadiyyat Litseyini bitirib. 2007-ci ildə Bakı Dövlət universitetinin fəlsəfə bölümündən magistr elmi dərəcəsini alıb.
2005-ci ildən mətbuatdadır. “525-ci qəzet”, “Reytinq”, “Bizim Yol” qəzetlərində çalışıb. Hal-hazırda “Azadlıq” qəzetinin köşə yazarıdır.2006-cı ilin noyabrında Rafiq Tağının həbsinə nail olan dindarları protest etmək məqsədi ilə islam dinindən imtina etdiyini açıqlayıb. Kulturoliya, fəlsəfə, ədəbiyyat siyasət üzərinə yazılar müəllifidir.2006-cı ildə “Elektron sevdalar” adlı şeir kitabı çap edilib.
2008-ci ildə “Alatoran” ədəbiyyat dərgisində “Çiyələkli gecənin pornoqrafiyası” povesti dərc edilib. Bundan başqa Memduh Şevket Esendalın kitabını Türkiyə türkcəsindən Azərbaycan türkcəsinə uyğunlaşdırıb. Rasim Özdənərənin hekayə kitabının əsas tərcüməçilərindən biridir.
2011-ci ildən Kulis.az saytının redaktorudur.2011-ci ildə "Mustafa" adlı kitabı işıq üzü görüb.Heç bir partiyanın üzvü deyil.
Qan Turalı siyasi baxışlarına görə marksistdir.Ailəlidir
Kategoriya : Qəzetİnternet resursları