Ramazan Çirinqov

[AyMaRaLCaN]

Ramazan Çirinqov



Azərbaycan Respublikası Prezidentinin 26 dekabr 1995-ci il tarixli 424 saylı fərmanı ilə Çirinqov Ramazan Heybullah oğluna ölümündən sonra "Azərbaycanın Milli Qəhrəmanı" adı verilmişdir.

Çirinqov Ramazan Heybullah oğlu 15 fevral 1969-cu ildə Balakən rayonunun Meşəşambul kəndində anadan olmuşdur.

1986-cı ildə Meşəşambul kənd orta məktəbini bitirmiş, Balakən Rayon hərbi Komissarlığı tərəfindən hərbi xidmətə çağırılmışdır.

Hərbi xidmətini Əfqanıstanda keçirən Ramazan, göstərdiyi şücaətə görə SSRİ Ali Soveti Rəyasət Heyyətinin Fəxri Fərmanı və "Beynəlmiləl döyüşçüyə" döş nişanı ilə təltif edilmişdir.

1989-cu ildə ordudan tərxis olunaraq, Balakən rayon Daxili İşlər Şöbəsində polis nəfəri kimi əmək fəaliyyətinə başlayır.

1995-ci ildə Balakən rayonunda cinayətkar dəstəni zərərsizləşdirərkən, 3 sentyabrda qəhrəmancasına həlak olur.

Subay idi.

Meşəşambul kəndində dəfn edilmişdir.

Balakən şəhərindəki küçələrdən biri onun adını daşıyır.