Eldar Xəlilov
Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə Xəlilov Eldar Xəlil oğluna ölümündən sonra "Azərbaycanın Milli Qəhrəmanı" adı verilmişdir.
Xəlilov Eldar Xəlil oğlu 19 avqust 1976-cı ildə Qərbi Azərbaycanın Zəngibasar rayonunun Zəngilər kəndində dünyaya göz açmışdır. Altıncı sinfə qədər orada təhsil alan Eldar, sonralar təhsilini Bakı şəhərinin 96 və 252 saylı orta məktəblərində davam etdirmişdir.
1994-cü ildə Milli Ordu sıralarına çağırılmış, 17 mart 1995-ci ildə dövlət çevirilişinin qarşısının alınmasında qarşı tərəfdən açılan atəş Eldar Xəlilovun gənc ömrünə son qoydu.
Subay idi.
Bakının ikinci Şəhidlər xiyabanında dəfn edilmişdir.
Bakıxanov qəsəbəsindəki küçələrdən biri onun adını daşıyır. Vaxtilə oxuduğu 252 saylı orta məktəbdə isə qəhrəmana həsr olunmuş güşə yaradılıb. Qəsəbədə büstü qoyulub.