Hərb işi - Bəşir Kərimov

[Emine]

Bəşir Kərimov


Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə Kərimov Bəşir Bəylər oğluna ölümündən sonra "Azərbaycanın Milli Qəhrəmanı" fəxri adı verilmişdir.

Kərimov Bəşir Bəylər oğlu 2 fevral 1976-cı ildə Füzuli rayonunun Qacar kəndində dünyaya göz açmışdır.

1991-ci ildə kənd orta məktəbinin səkkizinci sinfini bitirərək, Füzuli peşə məktəbində təhsilini davam etdirmişdi. 1993-cü il aprel ayında Qacar kəndində erməni yaraqlılarına qarşı igidliklə vuruşur. Qacar kəndi işğal olunduqdan sonra, ailəsi ilə birlikdə Dilağarda kəndində məskunlaşır.

1994-cü ildə Beyləqan rayon hərbi Komissarlığı tərəfindən Milli Ordu sıralarına çağrılır. Gəncədə hərbi hissədə qulluq edir, 1995-ci il mart ayının 13-17-də dövlətçiliyimizin müdafiəsinə qalxır. Bu qarşıdurmada isə qəhrəmancasına həlak olur.

Subay idi.

Bakı şəhərinin Şəhidlər xiyabanında dəfn edilmişdir.