Hərb işi - Eldar Məmmədov

[Emine]

Eldar Məmmədov


Azərbaycan Respublikası Prezidentinin 11 dekabr 1994-cü il tarixli 247 saylı fərmanı ilə baş leytenant Məmmədov Eldar Harun oğluna ölümündən sonra "Azərbaycanın Milli Qəhrəmanı" adı verilmişdir.

Məmmədov Eldar Harun oğlu 10 yanvar 1968-ci ildə Bakı şəhərində dünyaya göz açıb.

1974-cü ildə Bakının 189 saylı orta məktəbin birinci sinfinə daxil olur, 1982-ci ildə səkkiziillik təhsilini başa vuraraq, C.Naxçıvnski adına hərbi məktəbə daxil olur.

1985-ci ildə təhsilini bitirərək, Riqadakı Qırmızıbayraqlı Ali Hərbi-Siyasi məktəbdə təhsil almağa başlayır. Təhsilini bitirən Eldar SSRİ Silahlı Qüvvələrində qulluq etmişdir. Erməni işğalçıları ölkəmizə təcavüz edən zaman E.Məmmədov vətənə qayıdır və yenicə yaradılan Sərhəd Qoşunlarında xidmətə başlayır.

1993-cü ildə Sərhəd Qoşunları İdarəsinin könüllülərdən ibarət batalyonun tərkibində Ağdərə istiqamətində gedən döyüşlərdə iştirak edib. Fevral ayının 24 Kasapet kəndi yaxınlığındakı yüksəkliyin müdafiəsində qəhrəmanlıq göstərmişdi.

Qızğın atışmada Eldar yoldaşlarını müdafiə edərkən, düşmən gülləsinə tuş gəldi. E.Məmmədov 24 fevral 1993-cü ildə qəhrəmancasına həlak oldu.

Subay idi.

Bakı şəhərinin Şəhidlər xiyabanında dəfn edilmişdir.