Hərb işi - Fariz Qəhrəmanov

[Emine]

Fariz Qəhrəmanov


Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə Qəhrəmanov Fariz Çoban oğluna "Azərbaycanın Milli Qəhrəmanı" adı verilmişdir.

Qəhrəmanov Fariz Çoban oğlu 29 mart 1974-cü ildə Bərdə rayonunun Xəsili kəndində anadan olmuşdur.

1991-ci ildə orta təhsilini doğma kəndlərində başa vurmuşdur. Təhsilini 47 saylı texniki-peşə məktəbində davam etdirmişdir.

1992-ci ildə Milli Orduya çağırılmış, 776 saylı hərbi hissədə xidmətə başlamışdır. Ağdam, Ağdərə, Füzuli, Kəlbəcər və Tərtər rayonları uğrunda gedən ağır döyüşlərdə iştirak etmişdir.

1994-cü ildə Ağdərənin müdafiəsi uğrunda gedən döyüşdə yaralanmışdır. Bir müddət müalicə aldıqdan sonra yenidən cəbhəyə qayıdır. 1995-ci ildə dövlət çevirilişinə cəhdin qarşısının alınmasında xidmət göstərir.

1995-96-cı illərdə Türkiyə Respublikasında Jandarm və Komanda məktəbini bitirmişdir.

1999-cı ildə sənədlərini Ali Birləşmiş Komandanlıq məktəbinə vermiş və motoatıcı qoşunlar komandiri ixtisası üzrə orada kursu tam olaraq başa vurmuşdur. Kapitan rütbəsinə qədər yüksəlib.

Bakı şəhərindəki küçələrdən biri onun adını daşıyır.