İslam alimlər Ayətullah Hacı Seyyid Mirəbdülqəni Badkubeyi

[Emine]

Ayətullah Hacı Seyyid Mirəbdülqəni Badkubeyi


Azərbaycanın görkəmli alimlərindən biri böyük Müctəhid və Ayətullah Hacı Seyyid Mirəbdülqəni Badkubeyidir.

Mir Əbdülqəni ağa Bakının Məştağa kəndində ruhani ailəsində dünyaya göz açmış və ilk təhsilini də kənddəki ruhanilərdən almışdır. Daha sonra gənc Mir Əbdülqəni biliyini artirmaq üçün ali təhsil almaq məqsədi ilə müqəddəs Nəcəfi-Əşrəf şəhərinə yola düşür.

Məzlumlar ağası Əmirəl-Möminin Əli əleyhissalamin uyuduğu müqəddəs torpağın ab-havasından və Heydəri-Kərranın misilsiz süfrəsi ilə məşhur olan Nəcəf hövzəsinin mənəvi dəyərlərindən bəhrələnən azərbaycanlı Mir Əbdülqəni nəhayət 26 ildən sonra “ictihad” dərəcəsinə yetişmiş, kamil bir alim kimi bakıya qayıdır.

Bütün bununla yanaşı Ayətullah Mir Əbdülqəni ağa həm də böyuk kəramət sahibi idi. El icində böyük hörmət qazanmış Mir Əbdülqəni Badkubeyiyə hər adam yanaşıb söz soruşmağa ürək etməzdi.

Deyilənə görə rəhmətlik çox zəhimli Seyyid imiş.Xalqın sevimlisi böyük alim Hacı Seyyid Mir Əbdülqəni Badkubeyi 1912-ci ildə ədəbi olaraq dünyasını dəyışdi.Alimi Maştağa cümə məscidinin Həyətindəki o vaxtkı qədim minarənin yanında dəfn etdilər.

1937-ci ildə tarixi və qədim abidə sayılan Maştağa məscidinin minarəsi dinsiz cəlladlar tərəfindən sökülür. Kənd camaatının səyi ilə qəbirin zədələnməsi təhlükəsini nəzərə alaraq ağanın cənazəsini oradan çıxararaq “Seyidlər” məhəlləsindəki “Əqil Baba” qəbirstanlığında “Əqli Baba” türbəsinin yanında yenidən dəfn etdilər.

Qəbir sonradan əhalinin ziyarətgahına cevrilir. Alimin elmi əsərləri haqqında məlumat əldə edı bilmədik.

Hazırladı: Nicat Məsimov