Mirzə Əsədullah Badkubeyi
Mirzə Əsədullah Badkubeyi XVIII əsrin axırlarında Bakıda dünyaya gəlmişdir.
Allaha olan sonsuz eşq və məhəbbəti onu maddi aləmdən ayırıb öz ruhunu saflaşdırmaqla, nəfsini xeyirli əməllərə vadar etməklə Allaha yaxınlaşdırmağa məşğul edir.
Əvvəlcə Nəcəfi-Əşrəfə gəlir və məşhur arif Nurəlişah İsfahanın şagirdlərinə qoşulur. Mütərəqqi fikir və əqidəsinə görə burada ali dərəcədə mənəviyyat sahib olur.
Mirzə Zeynəl Abdin Şirvani onun tərcümeyi-halında belə yazır: Mirzə Əsədullah Bakı diyarının böyük ariflərindən biridir.
Onun valideyinləri şan-şöhrət və mənsəbpərəst idilər. Amma özü fani dünyanı tərk edərək tələbə həyatına qədəm qoyur və Nəcəfi-Əşrəfdə Nurəlişah İsfahanının məclislərində iştirak edir.
Bir neçə müddət müqəddəs məkanlarda (ziyarətgahlarda) qalır və öz məqsədinə nail olduqdan sonra vətəninə qayıdır. Amma bir müddətdən sonra Rusiyanın Bakıda etdiyi zülm və işgəncədən xilas olmaq üçün Təbrizdə sakin olmağı özünə münasib bilir.
Hazırladı: Nicat Məsimov