Mehdi bəy Cuvarlı
Mehdi bəy Nəcəf bəy oğlu Cuvarlinski - (akademik Çingiz Cuvarlinskinin atası) 31 dekabr 1881-ci ildə Cəbrayıl qəzasının Cuvarlı kəndində anadan olmuşdu.
Qarğabazar kənd məktəbini bitirmişdi. Sonra gimnaziyada oxumuşdu. Yuryev Baytarlıq institutuna qəbul olmuşdu. 1907-ci ildə institutu tamamlamışdı.
Bakı quberniyasının baytarlıq xidməti idarəsində işə başlamışdı. 8 oktyabr 1912-ci ildə Göyçay qəzasının Kürdəmir kəndinə göndərilmişdi.Heyvanlar arasında yaranan qarayara xəstəliyini uğurla ləğv edəndən sonra, 2 yanvar 1913-cü ildə həmin qəzanın İvanovsk kəndinə dəyişilmişdi.
Burda da işini müvəffəqiyyətlə tamamlayandan sonra, 25 iyun 1913-cü ildə qəzanın Qarasubasar nahiyəsinə göndərilmişdi. Mehdi bəy Cuvarlinski təcrübəsi, bacarığı, müsbət fəaliyyəti sayəsində tezliklə məşhurlaşmış, canişinliyə dəvət olunmuşdu.
Burda ona pul mükafatı verilmişdi. 15 oktyabr 1916-cı ildə ildə Kutais quberniyasına ezam olunmuşdu.
Bir müddət burda çalışandan sonra doğma yurduna dönmüş, fəaliyyətini Cəbrayıl qəzasında sürdürmüşdü.1920-ci ilin aprelində Mehdi bəy Azərbaycan Cümhuriyyətinin Kənd Təsərrüfatı Nazirliyinin baş baytarı təyin olunur.
Yeni təyinat üzrə ailəsi ilə birgə Bakıya yollanan Mehdi bəy burada artıq 28 Aprel çevrilişi ilə üzləşir. O, ailəsilə Cuvarlı kəndinə yollanır.
Bir qədər sonra burada məktəb təsis edir və onun direktoru işləyir. Lakin gözlənilməz ölüm ailəni başsız qoyur.
Mehdi bəy Nəsib bəy Yusifbəylinin bacısı Xanım xanımla ailə qurmuşdu. Çingiz bəy, zili bəy adlı oğulları vardı.