Məmməd Cuvarlı

[Emine]

Məmməd Cuvarlı


Məmməd bəy İsmayıl bəy oğlu Cuvarlı 1902-ci ildə Cəbrayıl qəzasının Cuvarlı kəndində anadan olmuşdu.

İbtidai təhsilini Qarğabazar kənd məktəbində almışdı. Bir müddət kəndlərində təsərrüfatla məşğul olmuşdu. Sonra Bakı şəhərinə köçmüş, müxtəlif yerlərdə fəhlə işləmişdi.

Azərbaycanda sovetləşmədən sonra qulluqçu olmuş, 14 il partiya işində çalışmışdı. II dərəcəli sovet partiya məktəbini, ÜİKP MK yanında partiya işçiləri üçün kursu, qiyabi olaraq Pedoqoji texnikumunu bitirmişdi.

Məmməd Cuvarlinski Azərbaycan SSR-nin maarif komissarı olmuşdi. AZKP Nuxa (Şəki) Komitəsinin birinci katibi vəzifəsində çalışmışdı. AZKP MK-nin üzvü idi.

M. Bağırov 1937-ci ildə Azərbaycan SSR Sovetlər qurultayında partiya qrupundan çıxış edərək Azərbaycan SSR Konstitutisiyasında düzəlişlər edən Cuvarlinskini millətçi adlandırmışdı.

Martın 17-də MK-nin bürosu, 19-da isə plenumu Mir Cəfər Bağırovun təklifi ilə Məmməd Cuvarlinskini MK-nın bürosundan, 29-da isə partiya işindən xaric etdilər.

M.Cuvarlinski Moskvaya şikayət üçün yollandı. M. Bağırov onu qabaqlayıb həbs etdi. Onu Bakıya, M. Bağırovun kabinetinə gətirdilər.

Məmməd Cuvarlinski 13 oktyabr 1937-ci ildə güllələndi.

Məmməd Cuvarlinskinin Sveta xanım adlı qızı vardı.