Fərrux bəy Vəzirov
Vəzirov Fərrux bəy Həmid bəy oğlu 7 yanvar 1861-ci ildə Şuşada anadan olmuşdur.
Azərbaycanın ilk dağ-mədən mühəndisi; atası Həmid bəy Dərbənd, Qars və Cəbrayılda sülh hakimi və statski sovetnik işləyərək 1902-də istefaya çıxıb;
Fərrux bəy 1881-də Bakı real məktəbini bitirəndən sonra Peterburq Dağ-Mədən İnstitutuna girərək 1886-da oranı bitirib; bundan sonra əsasən Bakıda neft işləriylə məşğul olub;
Azərbaycanda ilk pambıqtəmizləmə zavodunun (Hindarxda) yaradıcısıdır;
1913-də Azərbaycandakı 6 traktordan biri onundu və Hindarxdakı plantasiyasında işlədilirdi;
Hindarxda atçılıq zavodu da yaratmışdı; dəfələrlə Bakı Dumasına deputat seçilib;
Duma üzvü kimi Bakıda politexnik texnikum açılmasına çalışıb və bu işdə H.Z.Tağıyevin fəaliyyətini hərtərəfli dəstəkləyib;
1900-də Parisdə zərgərlik işlərinin Ümumdünya sərgisi keçirilərkən şəxsi kolleksiyasından Şeyx Şamilin olduqca qiymətli qılıncını oraya qoyub; Azərbaycan və Gürcüstanda türk-müsəlman məktəblərinin açılmasına və başqa xeyriyyə işlərinə minlərcə manat vəsait xərcləyib; başqa çoxlu faydalı işlər görüb;
1905-də Əlimərdan bəy Topçubaşovun tərtib edərək çar hökumətinə müsəlmanların hüquqlarıyla bağlı göndərdiyi petisiyanı imzalayanlardan biri də Fərrux bəydi;
1906-dan Rusiyaya köçüb, birinci dünya müharibəsindən sonra yenə Qafqaza dönüb; Cümhuriyyətin bir çox rəhbərləriylə yaxın dostluq əlaqələri vardı.
Yanvar 1920-ci ildə Petroqradda vəfat etmişdir.