Bəxtiyar Sadıqov

[Emine]

Bəxtiyar Sadıqov


Sadıqov Bəxtiyar Yusif oğlu 1951-ci il yanvarın 10-da Ağdam şəhərində anadan olub. Bakı Dövlət Universitetinin jurnalistika fakültəsini bitirib. Əməkdar jurnalistdir. İki dəfə "Qızıl qələm" mükafatı laureatıdır. 3 kitabın müəllifidir.
Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar dövlət komissiyasının və Azərbaycan Mətbuat Şurası İdarə Heyətinin üzvüdür.

1975-ci ildən "Abşeron" qəzetinin korrektoru, müxbiri, şöbə müdiri, redaktor müavini, 1987-ci ildən "Kommunist" qəzetinin baş müxbiri, şöbə müdiri, 1990-cı ildən "Həyat" qəzetinin bölgə müxbiri, 1992-ci ildən "Azərbaycan" qəzetinin müxbiri, şöbə müdiri vəzifələrində çalışıb. 2002-ci ildən "Azərbaycan" qəzetinin baş redaktorudur.

Yeni Azərbaycan Partiyasının üzvüdür.

İkinci çağırış Azərbaycan Respublikası Milli Məclisinin deputatı olub.

2005-ci il mayın 13-də 119 saylı Ağdam kənd seçki dairəsindən deputat seçilib. Milli Məclisin Təhlükəsizlik və müdafiə məsələləri daimi komissiyasının üzvüdür. Azərbaycan-Böyük Britaniya, Azərbaycan-Fransa, Azərbaycan-İtaliya, Azərbaycan-Qazaxıstan, Azərbaycan-Səudiyyə Ərəbistanı parlamentlərarası əlaqələr üzrə işçi qruplarının üzvüdür.

Azərbaycan Respublikası Prezidentinin 22 may 2009-cu il tarixli sərəncamı ilə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının üzvü təyin edilib.

Ailəlidir, iki övladı var.

Mənbə: Milli Məclis