Alı Mustafayev

[Emine]

Jurnalist Mustafayev Alı Mustafa oğlu 14 aprel 1952-ci ildə Qazax rayonunda anadan olmuşdur.

1959-cu ildə Qazaxbəyli kənd səkkizillik məktəbinə getmiş, 1969-cu ildə Daş Salahlı kənd orta məktəbini bitirmişdir.
1971-1973-cü illərdə ordu sıralarında xidmətdə olmuşdur. 1976-cı ildə BDU-nin jurnalistika fakültəsinə daxil olmuş, 1981-ci ildə təhsilini bitirib, Azərbaycan Dövlət Teleradio Şirkətinin “Xəbərlər” proqramında jurnalist kimi fəaliyyətə başlayır. Jurnalist kimi Qarabağ savaşlarında iştirak etmişdir.

20 noyabr 1991-ci ildə ermənilərin Azərbaycan nümayəndə heyətinin helikopterini güllələməsi zamanı helikopter qəzaya uğrayır. Helikopterin içində olan 23 nəfər yerindəcə həlak olur.
Azərbaycan Respublikası prezidentinin 6 noyabr 1992-ci il tarixli 294 saylı fərmanı ilə Mustafayev Alı Mustafa oğluna ölümündən sonra “Azərbaycanın Milli Qəhrəmanı” adı verilmişdir.
“Respublikanın Əməkdar Jurnalisti” adına da layiq görülmüşdür. Mustafayev Şəhidlər Xiyabanında dəfn edilib.
Bakıda, Nərimanov rayonundakı 202 saylı orta məktəb şəhid- jurnalist Alı Mustafayevin adını daşıyır.