A.Səfikürdski 1880-ci ildə anadan olmuşdur. Orta təhsilini Gəncə Klassik Gimnaziyasında aldıqdan sonra Peterburq Universitetinin hüquq fakültəsinə daxil olmuşdur. 1905-ci ildə ali təhsilini başa vurduqdan sonra Gəncəyə qayıdan gənc, Müsəlman Xeyriyyə Cəmiyyətinin rəhbərlərindən biri, habelə Aktyorlar Cəmiyyətinin sədri olmuşdur. A.Səfikürdski müxtəlif illərdə Gəncə və Şuşa qəza məhkəmələrində andçı-müvəkkil vəzifəsini icra etmişdir. Sonra Gəncə Qəza İcraiyyə Komitəsinin tərkibinə seçilmişdir. Azərbaycan Xalq Cümhuriyyəti dövründə parlamentə üzv seçilmiş, III hökumət kabinetində Poçt-teleqraf və Əmək naziri təyin olunmuşdur. 1920-ci ilin aprel hadisəsindən sonra müxtəlif vəzifələrdə çalışmış, 1937-ci ildə Bakıda ağır xəstəlikdən vəfat etmişdir.