Alik Usubov

[Emine]

Alik Usubov


Usubov Alik Teymur oğlu Əməkdar İncəsənət Xadimi

Alik Usubov 1935-ci ildə Bakı şəhərində anadan olmuşdur.

1961-1965-ci illərdə Azərbaycan Dövlət Konservatoriyasının vokal fakültəsində təhsil almışdır.

1965-1970-ci illərdə o, Leninqrad Dövlət Konservatoriyasının “Musiqili teatr rejissorluğu” fakültəsində oxumuşdur.

1970-ci ildə Akademik Dövlət Opera və Balet Teatrında quruluşçu rejissor,

1973-1977-ci illərdə isə H.Əliyev adına Sarayın baş rejissoru vəzifəsində çalışmışdır.

Burada işlədiyi müddətdə rejissor bütün dövlət tədbirlərinə, konsert proqramlarına quruluş vermişdir.

Zəngin yaradıcılıq bioqrafiyasına malik olan A.Usubov 1978-1980-ci illərdə “Azkonsert” Birliyinin bədii rəhbəri olmuşdur.

1980-1983-cü illərdə o, Rusiyanın Omsk vilayətində Dövlət Musiqili Teatrının təməl daşını qoymuşdur. 1983-cü ildə sənətçi Vətənə qayıdıb,

1994-cü ilədək Azərbaycan Dövlət Opera və Balet Teatrında baş rejissor vəzifəsində işləmişdir.

1994-cü ildə Omsk vilayəti rəhbərliyinin dəvəti ilə A.Usubov Omsk Dövlət Filarmoniyasına bədii rəhbər təyin olunmuş, 6 il müddətində hər il Beynəlxalq miqyaslı “Duşa Rossii” adlı festivalın təşkilatçısı və quruluşçu rejissoru kimi fəaliyyət göstərmişdir.

2008-ci ildə yenidən Azərbaycana qayıtmış və Opera və Balet Teatrında quruluşçu-rejissor vəzifəsində çalışır.

1977-ci ildə “Azərbaycan Respublikasının Əməkdar İncəsənət Xadimi” adına layiq görülmüşdür.