Aydın Quliyev
Quliyev Aydın Alqulu oğlu 18 iyul 1960-cı il ildə Naxçıvan Muxtar Respublikasının Babək rayonunun Cəhri kəndində anadan olub.
1977-ci ildə Cəhri kənd orta məktəbini bitirib. 1978-1983-cü illərdə Bakı Dövlət Universitetinin tarix fakultəsində təhsil alıb.
Əmək fəaliyyətinə 1983-cü ildə Naxçıvan Dövlət Plan Komitəsində başlayıb.
1983-1989-cu illərdə Naxçıvan Dövlət Plan Komitəsində Elmi İnformasiya və Təbliğat Mərkəzində şöbə müdiri vəzifəsini tutub.
1989-1993-cü illərdə Naxçıvan Dövlət Universitetində müəllim kimi çalışıb.
1993-1997-ci illərdə Naxçıvan Ali Məclisində şöbə müdiri, baş referent və müşavir vəzifələrini tutub.
1997-2005-ci illərdə Azərbaycan Demokrat Partiyasının katibi olub.
2001-2003-cü illərdə «Hürriyyət» qəzetinin baş redaktoru vəzifəsində çalışıb.
2003-cü ildən «Bakı xəbər» qəzetinin baş redaktorudur.