Arif Mehdiyev
Arif Şəfaət oğlu Mehdiyev 1934-cü ildə anadan olmuşdur. Fizika-riyaziyyat elmləri doktoru, professor, Azərbaycan EA-nın həqiqi üzvüdür.
140-dan artıq çap olunmuş elmi işin müəllifidir. 85 əsəri xaricdə çap olunmuşdur. 19 müəlliflik şəhadətnaməsi, 11 patenti var. Yerin kosmosdan tədqiqinin texniki vasitələrinin işlənib hazırlanmasının elmi prinsiplərini müəyyənləşdirmişdir.
Yaratdığı avtomatlaşdırılmış yerüstü məlumat ölçü kompleksləri Yerin peykaltı tədqiqinin elmi-texniki bazasının təminatlılığını təşkil edir.
Sualtı obyektlərin, boru kəmərlərinin və kommunikasiyaların aşkar edilməsi və vəziyyətinə nəzarət edən avtonom hidroakustik informasiya sisteminin yaradılması və istifadəyə verilməsinə görə 1990-cı ildə Azərbaycan Respublikası Dövlət mükafatına layiq görülmüşdür.
Uzun illərdir ki, hərbi təyinatlı məlumat ölçü komplekslərinin yaradılması üzrə elmi-tədqiqat və təcrübikonstruktor işləri görür. Elmi-Tədqiqat Aerokosmik İnformatika İnstitutunu yaratmış və direktoru olmuşdur.
Hazırda Ali Attestasiya Komissiyasının sədridir.