Qozlu dürmək resepti

[Revane]

Ərzaqlar:
400 qram un
120 qram kərə yağı
180 qram xama
180 qram şəkər
220 qram qoz ləpəsi
40 qram bal
2 ç.q. darçın
1 ədəd yumurta

Hazırlanma qaydası:
Xəmiri hazırlamaq üçün kərə yağını xama ilə qarışdırıb, un əlavə edirsiz. Xəmiri yaxşıca yoğurursuz. Bəzi hallarda xəmiri maya ilə də hazırlamaq olur.
İç hazırlamaq üçün: əvvəlcə qoz ləpəsini qovurub, qabığını təmizləyirsiz. Sonra ət çəkən maşından keçirib, üzərinə şəkər, bal, darçın qatıb hamısını birlikdə qarışdırırsız.

Xəmiri 300 qram paylara bölüb kündələyirsiz. Sonra 3-4 mm qalınlıqda xəmiri yayırsız. Yayılmış xəmirin üzərinə içlik səpib, rulet şəklində bükürsüz. Üstünə yumurta sarısı çəkib, 200 dərəcə qızdırılmış sobada 30-35 dəqiqə ərzində bişirirsiz.

Nuş olsun!