Göz yaşı, eşit məni ağlamayacağam!

[Azeribalasi]

Göz yaşı, eşit məni ağlamayacağam!

Ömrümə qəm qonaq gələn zamanda,
Susub-susub, daş kimi dayanacağam.
Düyümlənib boğazımda məni boğsan da,
Göz yaşı, eşit məni, ağlamayacağam!

İblis tora salsa, fələk fırlansa,
Mən də, o çərx kimi dolanacağam.
Səbrim də qorulsa, qərarım daşsa,
Göz yaşı, eşit məni, ağlamayacağam!

Zülmün sevincində şad, şən, firavan,
Dondan-dona girib, oynayacağam.
Zülm özü mənimlə oynayan zaman,
Göz yaşı, eşit məni ağlamayacağam!

Qəhərim qopsa da, əzab çaxsa da,
Mən ki, elə buludam, qaralacağam.
Könlümün körpüsün yarıb, axsan da,
Göz yaşı, eşit məni ağlamayacağam!

Bəsdir şişirdiyin bu gözlərimi,
Qəlbim kimi, onları da dağlamayacağam.
Toplayıb könlümün qəlpələrini,
Göz yaşı, eşit məni ağlamayacağam!

Sən ki, tez-tez gəlirsən, axı yoruluram,
Səni geri-geri verib, boğulacağam.
Bəlkə yolunu kəsib, daralacağam,
Amma, bil ki, bir daha ağlamayacağam!

Sevincdən deyilsə növbəti gəlişin,
Heç gəlmə göz yaşı, qoymayacağam,
Əriməsin sənin də mən tək günəşin
Göz yaşı, eşit məni ağlamayacağam!

Alinti...