SAXLA GÖZ YAŞINI LAZIM OLACAQ.
BİLSƏN Kİ,GÜLÜŞLƏR,GÖRÜŞLƏR ƏBƏS,
DODAQLAR SEVGİNİ YALAN DEYİRSƏ.
SEVDİYİN DEYİLSƏ AXTARDIĞIN KƏS,
ÜFÜQDƏ AYRILIQ GÖZƏ DƏYİRSƏ-
SAXLA GÖZ YAŞINI LAZIM OLACAQ...
ÖMÜRLÜK YAŞAYIB DE,HANSI BƏNDƏ?
VAXTI VAR HƏR ŞEYİ DƏRK EDƏCƏKSƏN.
BİR GÜN İSTƏSƏN DƏ,İSTƏMƏSƏN DƏ
ATANI,ANANI İTİRƏCƏKSƏN-
SAXLA GÖZ YAŞINI LAZIM OLACAQ...
NƏ VAXTSA ALACAQ SƏNİ BİR KİŞİ,
NƏ VAXTSA SƏNİN DƏ ÜZÜN GÜLƏCƏK.
ÖVLAD QAYĞISIYLA,EV-EŞİK İŞİ,
NƏ VAXTSA SƏNƏ DƏ ÇƏTİN GƏLƏCƏK-
SAXLA GÖZ YAŞINI LAZIM OLACAQ...
BİR GECƏ KÜÇƏDƏ SƏSLƏR SUSANDA,
YADINA KEÇMİŞİ YOXLAMAQ DÜŞƏR.
BƏZƏN SƏBƏBİNİ ANLAMASAN DA,
KÖNLÜNƏ DƏLİ BİR AĞLAMAQ DÜŞƏR-
SAXLA GÖZ YAŞINI LAZIM OLACAQ...
MƏNİ İNDİ GÖRDÜYÜM HAMIYA YADAM,
HEÇ ASAN GƏLMİRMİŞ SƏADƏT ƏLƏ.
PAYIZ KÜÇƏSİNDƏ AĞLAYAN ADAM,
SƏN DƏ SEVİNƏRSƏN DARIXMA HƏLƏ-
SAXLA GÖZ YAŞINI LAZIM OLACAQ...
Qismət Rüstəmov.