Obama güney azƏrbaycan mƏsƏlƏsindƏn danişdi

[Yaver ARANCI]

ABŞ prezidentliyinə namizəd, senator Barak Obama İrandakı rejimin azərbaycanlılara qarşı yürütdüyü siyasəti pisləyən bəyanatla çıxış edib (lent.az). Bu ölkədə yaşayan azərbaycanlıların ona ünvanladığı məktuba cavab olaraq İranda etnik azərbaycanlıların əhalinin 1/3 hissəsini təşkil etdiyini bildirən Obama ABŞ Dövlət Departamentinin 2007-ci il üçün insan haqları ilə bağlı yaydığı hesabatda azərbaycanlıların etnik və dil diskriminasiyasına məruz qalmalarından şikayət etmələrinin əksini tapdığını xatırladıb.
“Bu şikayətlərdə Azərbaycan dilinə qadağa qoyulması, milli fəalların təqib edilməsi və Azərbaycan toponimlərinin dəyişdirilməsi hallarına rast gəlinir”- deyə bəyan edən prezidentliyə namizəd bundan sonra da yerli azərbaycanlıların vəziyyətini diqqətdə saxlayacağını, müvafiq qərarlar qəbul etdikdə ona bu məsələ ilə bağlı ünvanlanan müraciətləri nəzərə alacağını deyib.

Xəbər xidməti
Musavat Qezeti: Guney Azerbaycan Xeberleri.