ATA
Sənə hər daim açıq ürəyimin qapısını
Açıq qoya-qoya bağlamışam üzünə.
Açıq bir mağazanın qapısında
“bağlıdır”sözü səhvən qalan kimi
Niyə? Soruşdunmu özündən?
Sənə dəli ola-ola,sən mənə dəli ola-ola.
Sənə görə heç nə edə bilmədiyimçün
Sənə görə özüm bildiyim kimi
Nə xoşbəxt ola,nə bədbəxt ola bilmirəm.
Sən varsan deyə,ölə də bilmərəm istəsəm
Yaşamağa, sənin anladığın tərzdə xoşbəxt olmağa məhkumam
Sən mənə divanə, mən sənə dəli ola-ola
Nədir bu zülm?
Bir-birimizdən olmadığımız yetər
Ya sən məndən ol,ya mən səndən
Mən səndən ola bilmərəm
Çünki mən elə sənəm.
Sadəcə sənin təzə tərzin.
Mən səndən ola bilmərəm
Yaşlı olmagımı sən də istəməzsən.
Sən məndən ola bilərsən
Axi cavanlaşmagın məni sevindirəcək
Hər halına divanə olsam da.
Cavanlaşmagın məni sevindirəcək!
Məni sevindirməkdən ötrü nələr etməmisən?
Beşiyimdən bu yana
Heç kimi seçə də bilmirəm ömrümə
Sənin kimisi var önümdə deyə
mükəmməlsən niyə?
Tərəzinin bir gözündə həmişə sən
Hələlik xoşbəxtliyim də,bədbəxtliyim də sənə görə.
Ya mənə özüm olmağa izn ver,
Ya mənim özüm ol!
Mən onsuz da həmişə sənəm
Saçımdan ruhuma,
Ruhumdan dırnağıma qədər.
Ürəyimin qapılarını bağlamışam
Dolu daxıl kimi.
Ordakıları götürmək üçün nə istəyirsən et
Ya sındır ya...
Ya yığdıqlarımı yığdıgın yerdən çıxar
Özün tap!
Onsuz nə etsən də mən səninəm
Sənə dəliyəm,doluyam.
Labirintdəyəm.
Ürəyinin içindəki labirintdəyəm
Hələ dogulmamışdan
Arakəsmələri sevgidən
Nə ordan çıxa bilirəm,nə öz yolumu tapa bilirəm.
Məni xoşbəxt görmək həsrətinə,
Ömrünün arzusuna,
Ürəyinin içinə,sevginə
Pərcim edib saxlama məni
Qoy arzuladiğım kimi bədbəxt,xoşbəxt olum!
Fədakarlığınla əzmə məni!