İsveçin “erməni soyqırımı”nı tanıması rüsvayçılıqdır”
Dağlıq Qarabağın Azərbaycanlı İcmasının sədri Bayram Səfərov belə deyib
"İsveç parlamentinin qondarma erməni soyqırımını tanıması rüsvayçılıqdır və bununla bağlı Dağlıq Qarabağın Azərbaycanlı İcması İsveç parlamentinə etiraz məktubu göndərəcək". Bu barədə Dağlıq Qarabağın Azərbaycanlı İcması İctimai Birliyinin sədri Bayram Səfərov bildirib.
“Xocalı faciəsinin hələ 20 ili tamam olmayıb. Hələ faktlar durur. Beş minə yaxın vətəndaşımız əsirdir, bir milyon qaçqınımız var, onlar müxtəlif çətinliklərlə yaşayırlar. Əgər sözügedən dövlət belə demokratikdirsə, bizim qaçqınların, əsirlərin vəziyyəti ilə də maraqlansın. Biz hər iki ölkənin (ABŞ və İsveç red.) xarici əlaqələr komitəsində çıxarılan qərarları pisləyirik”, - deyə Bayram Səfərov bildirib.