Fərid Əlizadə
Fərid Əlizadə 26 oktyabr 1974-cü ildə anadan olmuşdur.
Ali təhsilini ABŞ-da almışdır.
Burada 1993-96-cı illərdə Rutgers Universitetində Biznesin Təşkili və İdarəedilməsi – Maliyyə ixtisası üzrə bakalavr dərəcəsinə, 1997-99-cu illərdə isə Rice Universitetində eyni ixtisas üzrə magistr dərəcəsinə yiyələnmişdir.
Bundan əlavə bir neçə ixtisas sertifikatına malikdir.Peşəkar fəaliyyətinə 1996-cı ildə ABŞ-da UNOCAL Corporation şirkətində başlamışdır.
3 il ərzində bu şirkətdə çalışdıqdan sonra 1999-2001-ci illərdə fəaliyyətini əvvəl Deutsche Bank Sekurities İnc.-də törəmə maliyyə vasitələri ilə əməliyyatlarda risk menecmenti və nəzarət sahəsi üzrə, daha sonra isə Reunion Power LLC şirkətində inkişaf pesrpektivləri sahəsi üzrə məsləhətçi kimi davam etdirmişdir.
2001-2002-ci illərdə Rolls Royce Power Ventures şirkətində Maliyyə məsələləri üzrə baş mütəxəssis kimi çalışdıqdan sonra 2003-cü ildə Azərbaycana qayıdıb burada Mcdermott Caspian Contractors Inc. şirkətində Maliyyə mühasibi kimi fəaliyyətini davam etdirmişdir.
2005-ci ilin fevral ayından etibarən «Bank of Baku»nun sıralarına qatılmışdır.
2007-ci il dekabr ayından İdarə Heyəti Sədrinin Müavini, Maliyyə sahəsinin rəhbəri vəzifəsində çalışır.