Qurudlu (qurut-keş) Qarabadımcan(Patlıcan) əzməsi - Zəngan
Güney Azərbaycan Yeməklərindən
Qurudlu (qurut-keş) Qarabadımcan(Patlıcan) əzməsi
Bu yemək Zəngan Şəhərinə aid bir yeməkdir.
Lazım olanlar:
4 dənə orta boylu Qarabadımcan(Patlıcan)
2 Yemək qaşığı duz (qarabadımcanlar suda gözlətmək üçün)
2 Orta boy soğan (doğranmış)
4-5 Diş sarımsaq
150 gram qıymə (qıyma-kıyma) ət
yarım çay qaşığı sarıkök tozu (zerdeçal tozu)
Lazım olan qədər əzilmiş qurud (qurut-keş)
Lazım olan qədər Duz
Lazımlı qədər nanə (nane)
Lazım olan qədər Yağ.
Hazırlanması:
1. Badımcanları qabıqlarını soyub, 1sm qalınlığında uzunsov dilimlərə kəsərik.
2. 2 yemək qaşığı duzu, dərin bir suyla doldurulmuş qaba töküb dilimlənmiş badımcanları qaba yatırdaıq. Badımcanlar suyun üzünə çıxmasın diyə üstünə ağır bir qab qoyarıq (yarım saat) . Sonra badımcanları yuvub (yıkayıp) yaxşı suyunu sızıb ən son qalın kağaz dəstmalı (peçete) yada təmiz bir bezlə suyunu tam qurulayın.
3.Tavada yağı qızdırıb, qarabadımcan dilimlərinin hər iki tərəfini yaxşı qızardarıq. Qaradadımcanları tavadan çıxardarıq və üzərinə kağız dəsmal (peçete) sərilmiş dəyaz qaba yığıb yağını alarıq.
4.Doğradığımız soğan və sarımsağı ayrı ayrı qızdırılmış yağda qovurub bir tərəfə qoyarıq.
5.Nanəni (nane) qızdırlmış yağda çox az qovurub bir tərəfə qoyarıq.
6. Bu dönəmdə çəkilmiş əti (qıymə - kıyma- qıyma) qızardıb duz və sarıkök artırıb,bir neçə dəqiqə qıyma suyunu buraxıb bir daha çəkənə qədər qarışdıraraq pişirərik. Pişdikdən sonra ətidə bir tərəfə qoyarıq.
7. Qızarmış qarabadımcanları bir kasaya töküb 5- 6 yemək qaşığı əzilmiş qurud (qurut-keş) artırıb, yaxşıca əzərik.
8. Əzilmiş qarabadımcan qarışımını bir boş qaba töküb üstünü saf şəkilə çıxardarıq (düzəldərik ).
9.Qarabadımcan əzməsini üstünə yenə 5-6 yemək qaşığı əzilmiş qurud (qurut-keş) artırıb və yayarıq.
10. Üstünü hazırlanmış qıymə (kıyma- qıyma), qovrulmuş sarımsaq, qovrulmuş soğan və qovrulmuş nanəylə bəzərik (süsleriz).
“Sinər olsun”