Zəfəranli Löüz şirnisi
Zəfəranli Löüz şirnisi - Təbrizin qurabiyyəsindən sonra ikinci yerdə olan məşhur şirnisi
Zəfəranli Löüz şirnisi hazrılamaq üçün lazım olanlar:
200-300 qram badam,
20 qram (2 yemək (xörək) qaşığı) toz şəkər,
bir az əzilmiş püstə.
Şərbət üçün gərəkənlər:
150 qram şəkər (1 fincan),
150 ml su (½ stəkan),
1 yemək (xörək) qaşığı tünd dəmlənmiş zəfəran.
Hazırlanması:
Bu şirninin hazırlanmasında bizə badam tozu lazımdir, hazır badam tozu da əldə edə bilərsiniz Amma keyfiyyətli olması üçün badam tozunu özünüzün hazırlamağınızı tövsiyə edirik.
Badam tozu hazırlamaq üçün xam badamı İlk olaraq dağ qaynar suda 5 dəqiqə saxlayırıq və qabığını soyuruq qoyuruq qurumağa.
Bir gün gözləyib (qurumalı) sonra əzib (küftə maşınından) ələkdən keçirin. Badam tozu gərək çox yumşaq olsun və diş altinda hiss edilməsin.
20 qram şəkər tozuyla badam tozunu qarışdırıb bir kənara qoyun.
Şəkəri və suyu qarışdırın və od üzərində qalın şərbət olana qədər qaynadın.
Şərbəti yaxşı soyudun.
Soyudulmuş şərbeti elektrik qarışdırıcıda (mikserdə) 10-15 dəqiqə ağ və uzanır olana qədərçalırıq.
Tünd zəfəran suyunu əlavə edin və bir neçə dəqiqə qarışdırın.
Yavaş-yavaş badam tozunu əlavə edin və qarışdırın. Badam tozu yetərincə əlavə edilməlidir ki, şirni xemiri ələ yapışmasın.
Şirni xemirini yağlı kağızın üstündə düzbucaqlı qəlibın (formanın) içinə tökün, püstə əlavə edin və üstünü qaşığın arxasıyla hamarlayın. Bərkiyənə qədər soyuducuda yarım gün saxlayın, sonra almaz formasında (romb) kəsin və süfrəyə verin.