Güney Azərbaycan Yeməklərindən - Həmədan (Hemadan) kumacı
İçindəkilər:
Un: 750 gram
Su: 300 mili litir
Yumurta: 3 dənə
Duru yağ(sıvı yağ): 100 gram
Xəmir maya(yaş hamur mayası): 20 gram
Nisar(şeker): 180 gram
Duz: çay qaşığının dördən biri Kumacın içi üçün:
Döyülmüş cəviz: 3 qaşıq
Nisar(şeker): 2 qaşıq
Darçın tozu: bir çay qaşığı
Kərə(tereyağı): 15 gram
Kumacın üzəri üçün:
Yumurta: sarısı bir dənə
Süt(süd): bir çay qaşığı
Küncüd(susam): istədiğiniz qədər
Hazırlanması:
Un, şəkər, duz və xəmir mayanı qarıştırın.
Ayrı bir qabda yağ, yumurta və suyu qarıştırın.
Unun ortasın açıb, yağ, yumurta və su qarışımını artırın.
Qaşıq ilə qarıştırıb və yoğurun. Xəmir əlinizə yapışırsa bir az un artırın.
Xəmiri bir yağlanmış qabın içinə qoyub, üstün örtüb, saat yarım dinlənməsini bəkləyin.
Bu arada cəviz, şəkər , kərə və darçını qarıştırın.
Xəmir dinləndikdən sonra havasın alıb və bir az yoğurun.
İstədiğiniz şəkilə çıxarıb və kumacın içinə hazırladığınız iç məlzəmələrini qoyub, yağlı fer(fırın) qalibinə düzüb, yarım saat dilənməyə buraxın.
Sonra yumurtanın sarısı və sütü qarıştırıb, firça ilə xəmirlərin üstünə çörəklərin üstünə (səthinə) çörtkələ(fırçayla) çəkin və üzərlərinə künçüd səpin.
Xəmiri 25 dəqiqə 160 dərəcədə olan ferin içinə, pişmək üçün buraxın.
Həmədan kumacımız hazır.
Canınıza sinsin.