Vəzir Sədiyev
Azərbaycan Respublikası prezidentinin 15 yanvar 1995-ci il tarixli 262 saylı fərmanı ilə Sədiyev Vəzir İsa oğluna ölümündən sonra "Azərbaycanın Milli Qəhrəmanı" adı verilmişdir.
Sədiyev Vəzir İsa oğlu 6 iyun 1961-ci ildə Gürcüstan respublikasının Marneuli rayonunun Aşağı Qullar kəndində anadan olmuşdur.
Orta təhsilini Qərbi Azərbaycanın Körpülü kəndində almışdır. Sonra Tbilisi Ali Hərbi Artilleriya Məktəbinə daxil olmuş, oranı bitirdikdən sonra Rusiyanın Qorki şəhərindəki hərbi məktəbə müəllim təyin edilmişdir. Könüllü olaraq, əfqanıstana yola düşür. əfqanıstan müharibəsində iştirak etdikdən sonra mayor rütbəsi ilə qərargah rəisinin muavni təyin edilir.
Xocalı soyqırımı başlayanda, Azərbaycana gəlir və Azərbaycanda Artilleriya və Hərbi Hava Qüvvələri İdarəsində döyüş hazırlığı şöbəsinə rəis müavini vəzifəsinə təyin edilir.
Laçın, Qubadlı, Füzuli, Ağdərə rayonlarında gedən döyüşlərdə iştirak edərək qəhrəmanlıq göstərib. Ağdərə uğrunda gedən döyüşdə xüsusi qəhrəmanlıq göstərib.
1993-cü il fevral ayının 19-da V. Sədiyev Ağdərənin Aterk kəndi uğrunda gedən döyüşdə qəhrəmancasına həlak olub.
Ailəli idi. Bir qızı yadigar qalıb.
Bakı şəhərinin Şəhidlər xiyabanında dəfn edilmişdir.