Hərb işi - Şamil Ramazanov

[Emine]

Şamil Ramazanov


Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Ramazanov Şamil Ağasəf oğluna ölümündən sonra "Azərbaycanın Milli Qəhrəmanı" adı verilmişdir.

Ramazanov Şamil Ağasəf oğlu 19 yanvar 1976-cı ildə Ağsu rayonunun Rəhimli kəndində anadan olmuşdur. 1993-cü ildə kənd orta məktəbində onuncu sinfi bitirmiş, bir il təsərrüfatda çalışmışdır.

1994-cü ildə Milli Ordu sıralarına çağırılmışdır. Bir neçə ay hərbi təlim keçdikdən sonra 777 saylı hərbi hissəyə göndərilmişdir. Orduda cəmi bir il xidmət etməsinə baxmayaraq, peşəkar bir döyüşçü kimi tanınmışdır. Atəşkəs elan olunsa da mütəmadi olaraq hərbi təlimlər keçirdilər.

1995-ci il məlum mart hadisələri zamanı silahlı dəstələrin qarşısını almaq üçün özlərini irəli atan igidlrimizin içərisində Şamil də vardı. Güclü atışma zamanı gənc döyüşçü ağır yaralandı və aldığı yaradan da qəhrəmancasına həlak oldu.

Subay idi.

Rəhimli kəndində dəfn edilmişdir.

Ağsu rayonunun mərkəzindəki kinoteatr onun adını daşıyır.