Sərxan Ocaqverdiyev
Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Ocaqverdiyev Sərxan Surxay oğluna ölümündən sonra "Azərbaycanın Milli Qəhrəmanı" adı verilmişdir.
Ocaqverdiyev Sərxan Surxay oğlu 16 iyul 1967-ci ildə Goranboy rayonunun Səfikürd kəndində dünyaya gəlmişdir. 1985-ci ildə Tatarlı kənd orta məktəbini bitirdikdən sonra Xabarovsk şəhərində hərbi xidmətdə olmuşdur.
1988-ci ildə hərbi xidməti başa vuraraq vətənə qayıtmış və Gəncə Maşınqayırma Texnikumuna daxil olmuşdur.
1991-ci ildə təhsilini uğurla başa vuraraq, Gəncə Maşınqayırma Zavodunda əmək fəaliyyətinə başlamışdır.
1992-ci ildə Goranboy özünümüdafiə batalyonuna üzv yazılıb. Şəfəq, Zeyvə, Tap-Qaraqoyunlu kəndlərinin müdafiəsi zamanı qanlı döyüşlərdə fədəkarlıq göstərib.
5 may 1992-ci ildə ermənilər Talış kəndinə hücuma keçirlər. Vətənimizin igid oğlu S. Ocaqverdiyev bu qanlı döyüşdə qəhrəmancasına həlak olub.
Subay idi.
Səfikürd kəndində dəfn edilmişdir.
Təhsil aldığı Tatarlı kənd orta məktəbi onun adını daşıyır.
Goranboy rayonunda büstü qoyulmuşdur.