Pəhriz yeməkləri

[AyMaRaLCaN]

Pəhriz yeməkləri


Bostan salatı resepti




Tərkibi:

200 q soyutma mal əti
1 çuğundur
1 baş soğan
1/5 kələm
150-200 q yerkökü
mayonez
çips
sirkə
bitki yağı

Hazırlanma qaydası:

Əvvəlcə soğanı marinə edin. Onu halqa doğrayın, kasaya yığıb üzərinə 1-2 qaşıq sirkə tökün, 1,5-2 saatlığa soyuq yerə qoyun.

Yerkökünü hazırlamaq üçün 500 q kökü saman kimi doğrayın. Sarımsağı və keşniş toxumunu əzin, duz, qırmızı və qara istiot, duz, 1 çimdik şəkər tozu ilə birlikdə yerkökü ilə qarışdırın. Bir soğanı çox xırda doğrayıb yağda qızardın. Sonra soğanı yağdan çıxarın. Yağı qaynar-qaynar kökün üzərinə gəzdirin. Sonra buna 1,5-2 x.q. sirkə də əlavə edib qarışdırın.

Çuğunduru təmizləyin. Sürtgəcin iri gözündən keçirin. Yumşalanadək, təxminən 10-15 dəqiqə bitki yağında qızardın. Kələmi doğrayın.

Əti xırda dilimlərə doğrayın.

Bunları qaba yığın. Ortasına mayonez qoyun. Üzərinə xırdalanmış çips səpin.

Nuş olsun!

[AyMaRaLCaN]

Mərmər şorbası



Ərzaqlar:

250-300 q qoyun əti
kəvər
3 kartof
2-3 kök
2 diş sarımsaq
kəklikotu
rozmarin (göyərti)
200-250 ml qaymaq (22-35%)

Hazırlanma qaydası:

Əti doğrayın. Yuyulub təmizlənmiş və iri doğranmış kök və kartofu qaynadın. Quşbaşı doğranmış əti zeytun yağıyla tavada qovurun. Kəvəri, sarımsağı doğrayıb qızarmaqda olan ətə əlavə edin, bir yarpaq rozmarin atın və 1 l su tökün. Duz, istiot vurun.
Bişmiş kartof və kökü blenderdən keçirin. Ət suda yarım saat bişdikdən sonra bu tərəvəz qarışığını ona əlavə edin. Rozmarini şorbadan çıxarın. Şorbanı qaynadıb altını söndürün. Bir neçə kəklikotu yarpağını şorbaya əlavə edib 15 dəqiqə soyumağa qoyun. Sonra kəklikotunu çıxarın. Şorbanı boşqablara çəkin. Üzərinə otaq temperaturunda olan qaymaq əlavə edin. Çəngəllə şorbanın üzünü qarışdırıb onu mərmərə bənzədin.

Nuş olsun!

[AyMaRaLCaN]

Prestij pəhriz salatı



Ərzaqlar:

2 kq qabaq
1,5 kq bolqar bibəri
2-2,5 kq pomidor
0,5 kq baş soğan
1 st. bitki yağı
2-2,5 x.q. duz
3-4 x.q. şəkər tozu
1 ç.q. sirkə esensiyası
1/2 ç.q. qara istiot
1 st. qaynanmış su

Hazırlanması:

Qabaqların dənəsini artlayıb qabığını soyun, iri kublar şəklində doğrayın. Tavaya azca su və bitki yağı tökün, qabaqları əlavə edərək 10 dəqiqə ərzində qaynadın.

Soğanı və bolqar bibərini uzun nazik doğrayıb ayrı-ayrılıqla yağda qızardın. Pomidorları fal-fal doğrayın. Bütün tərəvəzləri qarışdırın, duz, istiot, şəkər, sirkə qataraq qarışdırın. Onu litrlik bankalara yığıb 30-35 dəqiqə sterilizə edin. Bağlayın, sonra isə soyuyana qədər bir parçaya bükülü saxlayın.

Göstərilən miqdarda tərəvəzdən 6 banka salat alınır. 1 həftə saxlanıldıqdan sonra ləzzətlə yeyilə bilər.

Nuş olsun!