Qəmər bəyim Şeyda (1881-1933)
Qəmər bəyim Şeyda
(1881-1933)
Şair, dramaturq Qəmər bəyim Ataxan qızı Şeyda 1881-ci ildə Şuşada dünyaya gəlmişdi. Şair Cəfərqulu xan Nəvanın nəvəsidir. Şuşa qız gimnaziyasını bitirmişdir.
Yeniyetmə yaşlarından şeirə həvəs göstərən Qəmər bəyimə "Şeyda" təxəllüsünü X.Natəvan vermişdir. Ədəbi irsi hələlik əldə olunmamışdır.
Yalnız Ziba xanım Ləlinin eyni rədifli şeirinə cavab olaraq yazdığı "Ağan canı" rədifli qəzəli və "Zülmün daşqını" adlı pyesi (1918, əlyazması Azərb. EA Əlyazmalar İn-tunda saxlanılır) məlumdur.
O, qələmini dram əsərlərində də sınamışdı. "Zülmün daşqını" pyesi bir müddət çox məşhur olmuşdu.
Qəmər bəyim Sadıq bəy Vəzirovla ailə qurmuşdu. Bahadur bəy, Nadir bəy adlı oğulları, Leyla xanım, Sənubər xanım, Həmidə xanım və Əntiqə xanım adlı qızları vardı.