Əbdüssəməd bəy Aşiq Cavanşir
Əbdüssəməd bəy Məhəmməd bəy oğlu Sarıcalı-Cavanşir (Əbdüssəməd bəy Aşiq) 1845-ci ildə Şuşa qəzasının Muğru sahəsinin Zəngilan kəndində anadan olmuşdu.
İbtidai təhsilini molla yanında almışdı. Sonra mədrəsədə təhsilini davam etdirmişdi.
Ordubad şəhərindəki məktəbdə rus dilini öyrənmişdi.
Özəl mülkünü idarə etməklə güzəran keçirirdi.Əbdüssəməd bəy Şirinbəyim xanım Zal bəy qızı Səfiyarbəyova ilə ailə qurmuşdu.
Cavad bəy, Xosrov bəy adlı oğulları vardı.Əbdüssəməd bəy şair idi. Atasının təxəllüsü Aşiqlə ürək oxşayan şeirlər yazırdı. "Məclisi-üns" ədəbi yığnağın üzvü idi.
Mir Möhsün Nəvvab, Məhəmməd ağa Müctəhidzadə və başqa təzkirəçilər, tədqiqatçılar ondan bəhs etmişlər.
Dövrünün bir çox şairləri ilə yazışmaları qalıb.
Ən çox İskəndər bəy Rüstəmbəyov və Mir Mehdi Xəzani ilə müşairələri var.
Mənbə: Ənvər Çingizoğlu. Behbudovlar. Bakı: Mütərcim, 2008