Firudin Ağayev
Firudin Tərlan oğlu Ağayev 1963-cü ildə anadan olmuşdur.
1985-ci ildə Azərbaycan Politexnik İnstitutunun “Avtomatika və hesablama texnikası” fakültəsini bitirmişdir.
1885-ci ildə Azərbaycan Elmlər Akademiyası Avtomatlaşdırılmış İdarəetmə Sistemləri şöbəsinə qəbul olunmuşdur.
Burada mühəndis, mühəndis proqramçı, laboratoriya müdiri vəzifələrində çalışmışdır.
1986-cı ildən aspirant və dissertantlara “İnformatika və hesablama texnikasının əsasları” fənni üzrə tədris işlərini aparmışdır.
1987-ci ildə Azərbaycan Elmlər Akademiyası Kibertetika İnstitutuna “Avtomatlaşdırılmış idarəetmə sistemləri” ixtisası üzrə qiyabi aspiranturaya daxil olmuşdur.
1997-ci ildə “Təsvirlərin proyeksiyalar üzrə bərpası üsullarının modelləşdirilməsi zamanı sürətli Radon çevirməsinin yaradılması” mövzusunda 05.07.12. – “Məsafədən aerokosmik tədqiqatlar” ixtisası üzrə namizədlik dissertasiyasını müdafiə etmişdir.
2002-2003-cü illərdə Azərbaycan Milli Aviasiya Akademiyasında “Avtomatlaşdırılmış idarəetmə sistemləri”, “İnformasiya və hesablama sistemləri” fənləri üzrə mühazirələr oxumuşdur.
Cisco Lokal Akademiyasının instruktorudur.
41 məqalənin və 3 kitabın müəllifidir.
2002-ci ildən institutda şöbə müdiri vəzifəsində çalışır.