Bu gün Məhəmməd Peyğəmbərin karikaturalarını dərc edən Fransanın "Charlie Hebdo" satirik jurnalının saytı bağlanıb.
Sayt naməlum hakerlərin aramsız hücumları nəticəsində sıradan çıxarılıb.
"Jurnalın saytı bu gün səhərdən açılmır. Sayt haker hücumları nəticəsində sıradan çıxıb",- deyə "Charlie Hebdo" direktoru Stefan Şarbone bildirib. Qeyd edək ki, Stefan Şarbone Şarb təxəllüsü ilə məşhurdur.
Karikaturaçının sözlərinə görə, söhbət jurnalın tarixi boyu görünməmiş kiber-hücumlardan gedir.
Məhəmməd Peyğəmbərin karikaturalarını dərc etmək qərarı ilə bağlı açıqlama verən Şarb bu addımını "Müsəlmanların məsumluğu" filminin yaratdığı səs-küyün dünyada, o cümlədən "müqəddəs ölkə olan" Fransada söz azadlığını təklükə altına salması ilə izah edib.
menbe:xezerxeber.com