Mexikolu dizayner Alan Farias (Alan Gerardo Farías) Glance cib kompüteri konseptini irəli sürüb.
Müəllif bu maraqlı qacetə elə dizayn vermişdir ki, yuxarı hissənin daha nazik olması sayəsində onu cibdən çıxarmaq da asandır. Qurğunu idarə etmək üçün nəzərdə tutulmuş başlıca düymələr də elə məhz nazilmiş hissədə yerləşir.
Glance cib kompüterinin başlıca özəllikləri
Ekran üzərində isə sensor düymələr yerləşir. Bu səbəbdən ekranın yuxarı hissəsi bir qədər əyilmiş formadadır. Bu baxımdan, Glance cib telefonu elastik Paperphone adlı konseptual smartfonu xatırladır.
Qaceti cibinizdən çıxarmadan lazımi məlmumatı əldə edə bilərsiniz
Smartfonun başlıca üstünlüyü ondan ibarətdir ki, əksər mühüm məlumatları əldə etmək üçün qurğunu cibinizdən çıxarmağa gərək yoxdur. Çünki bir sıra əhəmiyyətli məlumatlar nazilmiş hissənin kənarında aydın şəkildə görünür. Beləliklə, istifadəçi telefonu cibindən çıxarmadan gözucu nəzər salmaqla hər hansı buraxılmış zəngin olub olmadığını, batareyanın cari enerji təchizatı və eləcə də saatı öyrənə bilər.
Müəllif 4-dyüm ekranın cib telefonu üçün optimal olduğunu hesab edir. Displey OLED işıq-diodla təchiz olunmuşdur.
Konsept müəllifi qacetə kamera, mini USB və hətta qulaqlıq üçün 3,5 mm port əlavə etməyi də unutmayıb.
Bu konseptin, ümumiyyətlə, gerçəkləşib-gerçəkləşməcəyini söyləmək isə çətindir.