Uşaq mahnı Sözleri

[Azeribalasi]

Günəş olaram mən də

Sözləri Xanımana Əlibəylinin,
Musiqisi Hökümə Nəcəfovanındır.

Qışda şaxtada, buzda,
Günəş çimir hovuzda.
Qoy gətirim ləyəni,
Su tök, yuyundur məni.
Ay ana, böyüyəndə

Günəş olaram mən də.

Qışda şaxtada, buzda
Günəş çimir hovuzda.
Lap istisində yayın
Qoy gətirim ləyəni,
Su tök, yuyundur məni.
Ay ana, böyüyəndə
Günəş olaram mən də.

[Azeribalasi]

Gün, çıx!

Sözləri Mehdi Seyidzadənin,
Musuqisi Səid Rüstəmovundur.

Gün, çıx, gün, çıx!
Kəhər atı min, çıx.
Çəmənlərə ver işıq,
Güllər alsın yaraşıq.
Şəfəqindən bəzənsin
Bağçalarda sarmaşıq.

Gün, çıx, gün, çıx!
Kəhər atı min, çıx!
Qoy ağarsın təpələr,
Parıldasın ləpələr.
Yuxusundan oyansın
Şirin dilli körpələr.

Gün, çıx, gün, çıx!
Kəhər atı min, çıx.
Gedək bağa, bağçaya,
Axışaq meydançaya.
Orda oynayaq, gülək.
Dönək coşqun bir çaya.

[Azeribalasi]

Gəl, bahar

Sözləri Teymur Elçinin,
Musiqisi Oqtay Zülfüqarovun .


Gözəl bahar,
Gözəl bahar,
Bağçamıza
Tez gəl bahar.

Nəqərat:

Çətir-çətir
Güllər gəlir.
Otaqlara
Dolsun ətir.
Sənsən əziz,
Şən nəğməsiz,
Gözləyirik
Yolunu biz.

Gözəl bahar,
Tez gəl bahar,
Bağçamızda
Dincəl bahar.

[Azeribalasi]

Gəl, barışaq

Sözləri Teymur Elçinin,
Musiqisi Oqtay Zülfüqarovun.

Niyə məndən qaçırsan
Balaca məstan?
Heç ağıllı pişik də
Küsərmi dostdan?
Gəl məstanım, gəl, məstan.

Bığlarını çəkmərəm
Ağrıdır yeri,
Gəl, məstanım, barışaq,
Çəkilmə geri!
Gəl məstanım, gəl, məstan.

[Azeribalasi]

Gənc bağbanlar

Sözləri Tofiq Mütəllibovun,
Musiqisi Qənbər Hüseynlinindir.

Yorulmadan çalışaq,
Hər zəhmətə alışaq,
Çoxlu ağac əkək biz,
Qayğısını çəkək biz.

Zəhmətimiz verər bar,
Ucalar göy ağaclar,
Yaşıl olar şən Bakı,
Hər yanı gülşən Bakı.

[Azeribalasi]

Gənc idmançılar mahnısı

Sözləri Hikmət Ziyanın,
Musiqisi Musa Mirzəyevindir.

Polad kimi bədənimiz,
Gənc idmançı adımız var.
Qüvvətliyik, sağlamıq biz,
Sıramıza gəlin, dostlar!

Nəqərat:

Bizə yarış meydandır
Düzlər, çaylar, gen üfüqlar...
Hər oyunda, hər yürüşdə
Üzümüzə gülür zəfər.
Məşq edirik yorulmadan,
Bərkiyirik gündən-günə -
Yeni-yeni zəfərlərə
Çatmaq üçün sabah yenə.

Nəqərat.

Ucal, idman şərəfimiz
Yaxınlarda, uzaqlarda!
Qoy dolansın sorağımız
Hər obada, hər diyarda.

Nəqərat.

[Azeribalasi]

Kəndimiz

Sözləri Yusif Həsənbəyin,
Musiqisi Nazim Əliverdibəyovundur.

Yeni zəfərlərlə açılır səhər,
Mahnılar yüksəlir burdan hər yana.
Dövləti, varıyla gözəl kəndimiz,
Şan-şöhrət gətirir Azərbaycana.

Nəqərat:

Şöhrəti, şanı var
Kəndimizin,
Gözəl dövranı var

Kəndimizin.

Bizim dağlar kimi uca dağ hanı?
Gümüş şəlalələr köksündə çağlar.
Ətriylə məst edir çöllər insanı,
Görənlər bu yerə könlünü bağlar.

Nəqərat.

Kəndin zinətidir meyvəli bağlar,
Məhsullu tarlalar, geniş düzənlər.
Ceyranlı dərələr, sərin bulaqlar,
Tarlada səhəri açan gözəllər.

Nəqərat.

[Azeribalasi]

Kiçik aşpaz

Sözləri Yusif Həsənbəyin,
Musiqisi Oqtay Zülfüqarovundur.

Mən bir kiçik aşpazam,
Yanımda boşqab, qazan,

Bişirdiyim xörəyin
Doymaq olmur dadından. (Bəndi 2 dəfə təkrar)

Bir sakit ol, a kukla,
Bir sakit ol, ağlama,

Dinməz otur yerində,
Məni işdən saxlama. (Bəndi 2 dəfə təkrar)

Acıyıb məstan pişik,
Indi o da ağlayar,

Dovşanlar da ağlasa
Onları kim saxlayar. (Bəndi 2 dəfə təkrar)

Qoy bişirim xörəyi
Gəlin bir yerdə yeyək,

Yuyub boşqab, qazanı,
Sonra bir az dincələk. (Bəndi 2 dəfə təkrar)

[Azeribalasi]

Kukla

Sözləri Cahangir Məmmədovun,
Musiqisi Ağabacı Rzayevanındır.

Ay uzunsaç, qaragöz,
Ağıllı kuklam mənim!
Gəl “Əlifba” oxuyaq,
Sən şakird ol, mən müəllim.

Bir de görüm “A”,
Ay gözəl kukla!
Yoxsa səninlə
Danışmıram ha...

Atam almış mənimçin,
Rəngli qələm və dəftər.
Kitabımda var budur
Gözəl-gözəl şəkillər.

Ağzını aç sən,
Söylə, can vətən!..
Nə tənbəl qızsan,
Niyə dinmirsən?

Oxumağı, yazmağı
Öyrənmişəm bacımdan.
Dərsə gedəndə mən “beş”
Alacağam hər zaman.

Asan bir hərfi
Sən bilmirsən ki;
Incimə, kukla,
Alırsan “iki”...

[Azeribalasi]

Kuklam xəstədir

Sözləri Yusif Həsənbəyin,
Musiqisi Oqtay Zülfüqarovundur.

Mənim kuklam xəstədir,
Başı yaman ağrıyır,
Gözüm onun üstədir.
Dedim çıxma heç yana,
Dünən külək əsəndə,
Niyə çıxdın eyvana.

Nəqərat:

Sağaldaram səni mən,
Bundan sonra ananın
Sən də çıxma sözündən.